May 8, 2017 
தண்டோரா குழு
தி.மு.க., தலைவர் கருணாநிதி தனது பிறந்த நாளான ஜூன் 3- ம் தேதி தொண்டர்களை சந்திக்க உள்ளார் என்று தி.மு.க. அமைப்பு செயலாளரும், மாநிலங்கவை உறுப்பினருமான ஆர்.எஸ்.பாரதி தகவல் தெரிவித்துள்ளார்.
தி.மு.க., தலைவர் கருணாநிதி கடந்த சில மாதங்களுக்கு முன் உடல்நலக் குறைவால் சென்னை காவேரி மருத்துவமனையில் சேர்க்கப்பட்டு சிகிச்சை பெற்று வந்தார். அதன் பின் உடல் நலம் தேறி வீடு திரும்பிய அவர் , கடந்த சில மாதங்களாக கட்சியினர் யாரையும் சந்திக்கவில்லை.
இந்நிலையில் வரும் ஜூன் 3- ம் தேதி அவரது 94 வது பிறந்தநாள் விழா கொண்டாடப்பட உள்ளது. திமுக சார்பில் மிக பிரம்மாண்டமாக வைர விழாவாக விழாவினை கொண்டாட திட்டமிட்டுள்ளனர். இந்த விழா சென்னை, ராயப்பேட்டை ஒய்.எம்.சி.ஏ. மைதானத்தில் நடக்கிறது.
இவ்விழாவில் திமுக தலைவர் கருணாநிதி தொண்டர்களை சந்திக்க உள்ளதாகவும், இவ்விழாவில் காங்கிரஸ் தலைவர் சோனியா காந்தி, பீகார் முதல்வர் நிதிஷ்குமார் உள்ளிட்ட பல்வேறு மாநில முதல்வர்களும், அரசியல் கட்சி தலைவர்களும் கலந்த கொள்ள உள்ளதாக தி.மு.க. அமைப்பு செயலாளரும், மாநிலங்கவை உறுப்பினருமான ஆர்.எஸ்.பாரதி தெரிவித்துள்ளார்.
இதனிடையே பல மாதங்களுக்கு பிறகு கருணாநிதி விழாவில் கலந்து கொள்ள உள்ளதால் அவர் தொண்டர்களை சந்திக்க உள்ளார் என ஆர்.எஸ் பாரதி தகவல் கொடுத்துள்ளார்.
யானைகளின் பெயரை கூறி விவசாயிகளின் வாழ்வாதாரத்தை அழிக்க முயற்சிக்கும் வனத்துறை -தொண்டாமுத்தூர் விவசாயிகள் கண்டனம்
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
For English News
