March 18, 2017 
தண்டோரா குழு
உத்தரப் பிரதேச மாநில முதலமைச்சராக பாஜக நாடாளுமன்ற உறுப்பினர் யோகி ஆதித்யநாத் தேர்வு செய்யப்பட்டுள்ளார்.
நாட்டின் பெரிய மாநிலமான 403 தொகுதிகளைக் கொண்ட உத்தரப் பிரதேச சட்டப்பேரவைத் தேர்தலுக்கான வாக்குப் பதிவு ஏழு கட்டங்களாக நடைபெற்றது. பெரும் எதிர்பார்ப்புகளை ஏற்படுத்திய உத்தரப் பிரதேச சட்டப்பேரவைத் தேர்தலில் பதிவான வாக்குகளின் எண்ணிக்கை கடந்த 11-ம் தேதியன்று அறிவிக்கப்பட்டன. அதில் 324 தொகுதிகளில் பா.ஜ.க., அமோக வெற்றி பெற்று ஆட்சி கட்டிலில் அமரவுள்ளது. எனினும், அங்கு யாரை முதல்வராக தேர்வு செய்வது என்பதில் பா.ஜ.க., முழுக்கவனம் செலுத்தி வந்தது.
இது தொடர்பாக டில்லி பா.ஜ.க., மூத்த நிர்வாகிகள், பிரதமர் மோடி தொடர்ந்து ஆலோசித்து வந்தனர்.
இந்நிலையில், உத்தரப் பிரதேச மாநில சட்டப் பேரவை பாஜக தலைவரைத் தேர்ந்தெடுப்பதற்கான அக்கட்சியின் எம்எல்ஏ-க்கள் கூட்டம், லக்னோவில் சனிக்கிழமை நடைபெற்றது. அதில், அம்மாநில முதல்வராக நாடாளுமன்ற பாஜக உறுப்பினர் யோகி ஆதித்யநாத் தேர்வு செய்யப்பட்டுள்ளார்.
44 வயதாகும் யோகி ஆதித்யநாத் கோரக்பூர் தொகுதியிலிருந்து 5 முறை எம்.பி.யாகத் தேர்வு செய்யப்பட்டவர். கோரக்பூர் மடத்தின் நிர்வாகியாகவும், இந்து யுவ வாகினி என்ற கலாசார அமைப்பின் தலைவராகவும் இருந்து வருகிறார்.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
