May 24, 2018 
தண்டோரா குழு
இத்தாலியில் 7.15 மீட்டர் நீளத்துக்கு பீட்சா செய்து சமையல் கலைஞர்கள் கின்னஸ் சாதனை படைத்துள்ளனர்.
பெரியவர் முதல் சிறியவர் வரை பீட்சா விரும்பாதவர்கள் யாரும் இல்லை என்றே சொல்லலாம். சைவம் மற்றும் அசைவம் ஆகிய இரண்டு பிரியர்களையும் சுண்டி இழுக்கும் வகையில் பீட்சாவின் சுவை இருக்கும்.பீட்சா ஒரு இத்தாலிய உணவாகும். இத்தாலிய உணவு பிரியர்கள் மிகவும் விரும்பி சாப்பிடுவது பீட்சாதான்.
இத்தாலியின் நேப்லஸ் (Naples) என்ற நகரில் சமையல் கலைஞர்கள் இணைந்து 7.15 மீட்டர் நீளத்துக்கு மிக பிரம்மாண்டமான பீட்சா செய்து அசத்தியுள்ளனர். 83 கிலோ மாவு, 50 கிலோ உறை பாலேடு 7 கிலோ தக்காளிச்சாறு உள்ளிட்டவற்றை சமையல் கலைஞர்கள் பயன்படுத்தி இந்த பீட்சாவை செய்து உள்ளனர்.
மேலும், இந்த பீட்சாவை உணவு விடுதிகளில் பயன்படுத்தும் 3 மிகப்பெரிய ஓவன்களைப் பயன்படுத்தி உருவாக்கியுள்ளனர்.கன்வேயர் பெல்ட் மூலம் பீட்சாவுக்குத் தேவையான மாவை பரப்பி ஒவ்வொரு 17 நிமிடங்களுக்கும் ஓவன்களை இடம் மாற்றி சமைத்து இத்தாலி சமையல் கலைஞர்கள் சாதனை படைத்துள்ளனர். தற்போது இந்த பீட்சா கின்னஸ் சாதனை படைத்துள்ளது என்பது குறிப்பிடத்தக்கது.
For English News
