October 26, 2018 
தண்டோரா குழு
சுசீந்திரனின் ‘நெஞ்சில் துணிவிருந்தால்’ படத்திற்கு பிறகு நடிகர் விக்ராந்த் ராம்பிரகாஷ் ராயப்பாவின் ‘சுட்டுப்பிடிக்க உத்தரவு’,செல்வசேகரனின் ‘வெண்ணிலா கபடிகுழு 2′ மற்றும் ஜெகதீசனின் ‘பக்ரீத்’ ஆகிய மூன்று படங்களில் நடித்து வருகிறார்.
இந்நிலையில்,மற்றுமொரு புதிய படத்தில் நடிக்க விக்ராந்த் கமிட்டாகியுள்ளார்.2015-ம் ஆண்டு விக்ராந்த் ஹீரோவாக நடித்து வெளியான படம் ‘தாக்க தாக்க’.இப்படத்தை விக்ராந்தின் சகோதரரான சஞ்ஜீவ் இயக்கியிருந்தார்.இவர்,மறுபடியும் விக்ராந்தை ஹீரோவாக வைத்து இன்னொரு படத்தை இயக்கவுள்ளார்.இப்படத்திற்கு வசனத்தை நடிகர் விஜய் சேதுபதி எழுதியுள்ளார்.
“விஜய் சேதுபதியைச் சந்தித்த போது,கதையின் சுருக்கத்தைச் சொன்னேன்.அதைக் கேட்டதும்,‘நன்றாக இருக்கிறது. இந்தக் கதை விக்ராந்துக்குப் பொருத்தமாக இருக்கும்’என்றவர்,‘இந்தப் படத்துக்கு நான் வசனம் எழுதவா?’என்று கேட்டார்.அவருடைய பிஸி ஷெட்யூலில் இதெல்லாம் சாத்தியப்படுமா? என்று யோசித்தபோது,‘கிடைக்கும் நேரங்களில் பணியாற்றலாம்’என்று விஜய் சேதுபதி சொன்னார்.
அதேபோல்,அவர் நடிக்கும் படங்களின் ஷூட்டிங் முடிந்த பிறகு,இரவு நேரங்களில் என்னுடன் இருந்து திரைக்கதையை மெருகேற்றியதோடு,வசனங்களையும் எழுதினார்.இதை விக்ராந்த் தனது டுவிட்டர் பக்கத்தில் பதிவு செய்துள்ளார். இன்னும் பெயரிடப்படாத இப்படத்தின் ஷூட்டிங்கை நவம்பர் மாதம் இறுதியில் துவங்க திட்டமிட்டுள்ளனர்.வெகுவிரைவில் இதுகுறித்த இதர அறிவிப்புகள் வெளியாகுமென எதிர்பார்க்கப்படுகிறது.
ஏற்கெனவே விஜய் சேதுபதி தயாரித்து,நடித்த ‘ஆரஞ்சு மிட்டாய்’ படத்துக்கு அவர்தான் வசனம் எழுதினார்.தற்போது தான் நடிக்காத படத்துக்கு விஜய் சேதுபதி வசனம் எழுதியுள்ளார் என்பது குறிப்பிடத்தக்கது.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
