September 7, 2018 
தண்டோரா குழு
ஷங்கர் இயக்கத்தில் ரஜினி, நடிப்பில் வெளியான படம் எந்திரன்.இப்படம் வசூல் ரீதியிலும் ரசிகர்கள் மத்தியிலும் நல்ல வரவேற்பை பெற்றது.இதனைத் தொடர்ந்து இப்படத்தின் இரண்டாம் பாகம் 2.0 படத்தை ஷங்கர் இயக்கி வருகிறார்.தற்போது படப்பிடிப்பு முடிந்து விஎப்எக்ஸ் பணிகள் நடந்து வருகிறது.லைகா நிறுவனம் தயாரிப்பில் ரூ.400 கோடி ரூபாய் செலவில் பிரம்மாண்டமாக உருவாகி வரும் இப்படத்திற்கு ஏ.ஆர்.ரகுமான் இசையமைத்துள்ளார்.இப்படத்தில் ரஜினிக்கு ஜோடியாக எமி ஜாக்சன் நடித்துள்ளார்.
கடந்த ஜனவரி மாதம் படம் வெளியாகும் என ரசிகர்கள் எதிர்பார்த்து இருந்தனர்.ஆனால் விஎப்எக்ஸ் பணிகளால் படம் வெளியாவதில் தாமதமானது.இந்நிலையில், நவம்பர் 29ல் 2.0 படம் வெளியாகவுள்ளதாக லைகா நிறுவனம் அதிகாரப்பூர்வமாக அறிவித்துள்ளது.இந்நிலையில்,இப்படத்தின் டீசர் செப் 13ம் தேதி வெளியாகும் என அறிவிக்கப்பட்டுள்ளது.
For English News
