March 8, 2017 
tamilsamayam.com
நடிகர் பிரபாஸ் நடிக்க உள்ள புதிய படமானது தமிழ்,தெலுங்கு மற்றும் ஹிந்தி ஆகிய மொழிகளில் படமாக்கப்பட உள்ளது.
தெலுங்கு திரையுலகின் முன்னணி நடிகரான பிரபாஸ்,பாகுபலி படத்தில் ஹீரோவாக நடித்ததன் மூலம் இந்தியா முழுவதும் பிரபலமாகிவிட்டார்.அவரது அடுத்த படமான பாகுபலி இரண்டாம் பாகத்தை இந்திய திரையுலகமே எதிர்பார்த்து காத்துக் கொண்டிருக்கிறது.
இந்நிலையில் பாகுபலிக்கு பிறகு பிரபாஸ் நடிக்க உள்ள புதிய படம் மூன்று மொழிகளில் தயாராக உள்ளதாக தகவல்கள் வெளியாகியுள்ளன.இந்த படத்தில் நீல் நிதின் முகேஷ் முக்கிய வேடத்தில் நடிப்பதாகவும்,மற்றொரு முக்கிய கதாபாத்திரத்தில் பிரபல பாலிவுட் நடிகர் விவேக் ஓபராய் நடிப்பதாகவும் கூறப்படுகிறது.இந்த படத்தை சுஜீத் என்பவர் இயக்க உள்ளதாகவும் தெரிகிறது.
தற்போது விவேக் ஓபராய் அஜித் நடிக்கும் ‘விவேகம்’ படத்தில் முக்கிய கதாபாத்திரத்தில் நடித்து வருகிறார்.
For English News
