September 5, 2018 
தண்டோரா குழு
சிம்புவின் ‘அச்சம் என்பது மடமையடா’ படத்தின் வெற்றிக்கு பிறகு இயக்குநர் கெளதம் மேனன் விக்ரமின் ‘துருவ நட்சத்திரம்’,தனுஷின் ‘எனை நோக்கி பாயும் தோட்டா’ஆகிய இரண்டு படங்களை இயக்கி வருகிறார்.
‘எஸ்கேப் ஆர்டிஸ்ட்ஸ் மோஷன் பிக்சர்ஸ்’ பி.மதனுடன் இணைந்து கெளதம் மேனன் தனது சொந்த தயாரிப்பு நிறுவனமான ‘ஒன்றாக எண்டர்டெயின்மெண்ட்’ மூலம் இப்படத்தை பிரம்மாண்டமாக தயாரித்து வருகிறார்.
தனுஷ் ஹாலிவுட் படம்,மாரி 2 படத்தில் பிஸியாக இருந்ததால் இப்படம் பாதியில் நிறுத்தப்பட்டது.இந்நிலையில்,இப்படத்தின் படப்பிடிப்பு கடந்த சில நாட்களுக்கு முன் மீண்டும் துவங்கியது.இந்த படத்தில் தனுஷ் ஜோடியாக மேகா ஆகாஷ் நடிக்கிறார். நடிகர் ராணா டகுபதி, சுனைனா இருவரும் முக்கிய கதாபாத்திரங்களில் நடித்துள்ளனர்.சசிகுமார், தனுசுக்கு அண்ணனாக சிறப்பு தோற்றத்தில் நடித்திருக்கிறார்.
இந்நிலையில் படப்பிடிப்பின் கடைசி நாளான நேற்று படக்குழுவுடன் கேக் வெட்டி கொண்டாடிய கவுதம் மேனன்,படத்தின் படப்பிடிப்பு முழுவதுமாக முடிந்து விட்டதாக தனது ட்விட்டர் பக்கத்தில் தெரிவித்துள்ளர்.மேலும்,அவர்கள் வெட்டியகேக்கில் தீபாவளி வாழ்த்துக்கள் என இருந்தால் இப்படம் தீபாவளியன்று வெளியாகும் என அதிகாரபூர்வமானது.
For English News
