November 15, 2018 
தண்டோரா குழு
தல அஜித் தற்போது நான்காவது முறையாக சிறுத்தை சிவா இயக்கத்தில் விஸ்வாசம் படத்தில் நடித்து வருகிறார்.இப்படம் வரும் பொங்கலுக்கு வெளியாகவுள்ளது.
இப்படத்தினை தொடர்ந்து தல அஜித் அடுத்ததாக சதுரங்க வேட்டை,தீரன் அதிகாரம் ஓன்று படங்களை இயக்கிய எச்.வினோத் இயக்கத்தில் நடிக்கவுள்ளார். ‘விஸ்வாசம்’ படப்பிடிப்பை முடித்துவிட்டு சமீபத்தில் சென்னை திரும்பிய அஜித்துடன்,இயக்குநர் எச்.வினோத்,இப்படத்தினை தயாரிக்கும் போனி கபூர் ஆகியோர் சந்தித்து பேசியுள்ளார்கள்.அஜித்தின் 59வது படமாக உருவாகும் இந்த படம் அமிதாப்பச்சன் நடித்து பாலிவுட்டில் வெற்றியடைந்த ‘பிங்க்’ படத்தின் ரீமேக் என்று சொல்லப்பட்டு வந்தது.
இந்நிலையில்,தல 59 படம் பிங்க் படத்தின் ரீமேக் இல்லை என இயக்குனர் வினோத் தனது டுவிட்டர் பக்கத்தில் கூறியுள்ளார்.இந்த படத்தின் படப்பிடிப்பு அடுத்த ஆண்டு பிப்ரவரியில் துவங்க இருப்பதாக கூறப்படுகிறது.
For English News
