January 23, 2019 
தண்டோரா குழு
ஹார்மோனியத்தின் மீது சத்தியமாக சொல்கிறேன் இசையைப் பற்றி எனக்கு ஒன்றும் தெரியாது என இசைஞானி இளையராஜா கூறியுள்ளார்.
இசையமைப்பாளர் இளையராஜாவின் 75வது பிறந்தநாள் விழா, சிதம்பரம் அண்ணா பல்கலைக்கழகத்தில் நடைபெற்றது. இவ்விழாவில் பங்கேற்ற இசையமைப்பாளர் இளையராஜா, பல்வேறு பாடல்களைப் பாடி மாணவ, மாணவிகளை உற்சாகமூட்டினார்.
பின்னர் விழாவில் பேசிய அவர்,
எனக்கு பிடித்த ஒரே கவிஞர் கண்ணதாசன் தான். என்னுடைய ஹார்மோனியத்தின் மீது சத்தியமாக சொல்கிறேன் இசையைப் பற்றி எனக்கு ஒன்றும் தெரியாது ஆனாலும் திரைப்படங்களுக்கு இன்றும் இசையமைத்துக் கொண்டிருக்கிறேன் என்று இளையராஜா தெரிவித்துள்ளார். மேலும், அண்ணாமலைப் பல்கலைக்கழக துணைவேந்தர் முருகேசன் வேண்டுகோள்படி சிதம்பரம் அண்ணாமலைப் பல்கலைக் கழகத்தில் தன்னுடைய குழுவினருடன் இசை நிகழ்ச்சி நடத்தி அந்தத் தொகையில் பல்கலை கழக இசைத்துறையில் தன்னுடைய பெயரில் இருக்கை ஒன்றை அமைக்க உள்ளதாக இளையராஜா தெரிவித்தார்.
For English News
