May 8, 2019 
தண்டோரா குழு
தமிழ் சினிமாவில் முன்னணி நடிகராக வலம்வருபவர் சிவகார்த்திகேயன். தற்போது ராஜேஷ் இயக்கத்தில் மிஸ்டர் லோக்கல் படத்தில் நடித்துள்ளார்.இப்படம் இந்த மாதம் வெளியாகவுள்ளது.
இப்படத்தை தொடர்ந்து இயக்குநர் பி.எஸ்.மித்ரன் இயக்கத்தில் சிவகார்த்திகேயன் நடித்து வருகிறார். அரசியல் கலந்த த்ரில்லர் கதையாக இந்த படம் உருவாகவுள்ளதாக கூறப்படுகிறது. இப்படத்தை தொடர்ந்து இயக்குநர் பாண்டிராஜ் இயக்கத்தில், நடிகர் சிவகார்த்திகேயன் ஒரு படத்தில் நடிக்கவுள்ளாக அதிகாரப்பூர்வமாக அறிவிக்கப்பட்டது.
சிவகார்த்திகேயனின் 16வது படமாக உருவாகும் இந்த படத்தை சன் பிக்சர்ஸ் நிறுவனம் தயாரிக்கவுள்ளது. இப்படத்தில் சிவகார்த்திகேயனுக்கு ஜோடியாக அனு இம்மானுவேல் நடிக்கிறார். மற்றொரு நாயகியாக ஐஸ்வர்யா ராஜேஷ் நடிக்கிறார்.
இது மட்டுமின்றி நடிகர்கள் யோகி பாபு, சூரி, சமுத்திரக்கனி, ஆர்கே சுரேஷ், நட்டி நடராஜன் உள்ளிட்டோர் நடிக்கின்றனர். டி.இமான் இசையமைக்க நீரவ் ஷா ஒளிப்பதிவு செய்யவுள்ளார்.
இந்நிலையில் எஸ்.கே.16 படத்தின் படப்பிடிப்பு இன்று பூஜையுடன் துவங்கியது. இப்படத்தை கிறிஸ்துமஸ் பண்டிகைக்கு திரையிட படக்குழுவினர் திட்டமிட்டுள்ளனர்.
For English News
