January 1, 2019 
தண்டோரா குழு
பழம்பெரும் பாலிவுட் நடிகரும் வசனகர்த்தாவுமான காதர்கான் உடல்நலக்குறைவால் காலமானார்.
பழம்பெரும் பாலிவுட் நடிகர் காதர்கான்,81, ஹிந்தி திரையுலகில் காமெடி நடிகர், குணச்சித்தர நடிகர் , வசன கர்த்தா என பன்முக திறமை கொண்டவர். ஆப்கானிஸ்தானில் பிறந்த காதர்கான் 1973 ம் ஆண்டு ராஜேஷ் கண்ணா நடித்த தாக் என்ற படத்தை இயக்கினார். 300 படங்களுக்கு மேல் நடித்துள்ளார். 250 படங்களுக்கு வசனம் எழுதியுள்ளார். இவற்றில் பெரும்பாலான படங்கள் அமிதாப் பச்சன் நடித்தவை.
இந்நிலையில், உடல் நலக்குறைவு ஏற்பட்டு கனடாவில் தொடர்ந்து 16 வாரங்களுக்கு மேலாக டொரோண்டோவில் உள்ள மருத்துவமனையில் சிகிச்சை பெற்று வந்தார். அவருக்கு தொடர்ந்து சிகிச்சை அளிக்கப்பட்டு வந்தது. டாக்டர்கள் சிகிச்சை அளித்து வந்த நிலையில், நேற்று இரவு, காலமானார்.
அவரது மகன் சர்பரஸ் வெளியிட்ட அறிக்கையில், எனது தந்தை எங்களை விட்டு சென்று விட்டார். கனடா நேரப்படி, டிச.,31 மாலை 6 மணியவில் அவர் காலமானார். அவரது இறுதிச்சடங்கு கனடாவிலேயே நடக்கும். குடும்ப உறுப்பினர்கள் இங்கு தான் உள்ளோம். எனது தந்தைக்காக பிரார்த்தனை செய்த அனைவருக்கும் நன்றி. இவ்வாறு அதில் கூறியுள்ளார்.
இதையடுத்து, காதர்கான் மறைவிற்கு திரையுலகப் பிரபலங்கள் மற்றும் அரசியல் கட்சித்தலைவர்கள் பலரும் இரங்கல் தெரிவித்து வருகின்றனர்.
சர்வதேச மாற்றுத்திறனாளிகள் தினம்: சூயஸ் நிறுவனம் சார்பில் கோவை ஜெயம் சிறப்புப் பள்ளியில் சிறப்பு நிகழ்ச்சி
இந்தியக் கிரிக்கெட்டுக்கு வண்ணம் சேர்க்கும் அதிகாரப்பூர்வமான பங்காளராக பிசிசிஐ-யுடன் ஏசியன் பெயிண்ட்ஸ் இணைந்துள்ளது
கோவை சந்தையின் முக்கிய பங்களிப்புடன், அறிமுக ஆண்டிலேயே முன்பதிவுகளில் 1,000 கோடி ரூபாய் மைல்கல்லைக் கடந்தது கோத்ரெஜ் கேபிட்டலின் ஆரோஹி!
அசோசியேசன் ஆப் அலையன்ஸ் கிளப் இன்டர்நேஷனல் மாவட்டம் 250S சார்பில், மாற்றுத்திறனாளிகளுக்கு நலத்திட்ட உதவிகள்.
கோவையில் மத்திய அரசை கண்டித்து தொழிற்சங்க கூட்டமைப்பு சார்பில் கண்டன ஆர்ப்பாட்டம்
தண்ணீர் கிடைக்காமல் 7 ஆண்டுகளாக தவிக்கும் கோவை எம்.ஜி.ஆர்.நகர் மக்கள் – ஆட்சியரிடம் மனு
For English News
