February 2, 2019 
தண்டோரா குழு
பாலாஜி மோகனின் இயக்கத்தில் தனுஷ் நடிப்பில் ‘மாரி 2′ அண்மையில் வெளியாகி நல்ல வரவேற்பை பெற்று வருகிறது. இப்படத்திற்கு பிறகு தனுஷின் அசுரன் படம் குறித்த அறிவிப்பு அண்மையில் வெளியானது.
வெற்றி மாறன் இயக்கவுள்ள இப்படம் வெக்கை’ என்ற நாவலின் தழுவலாம். இந்த படத்தை ‘V கிரியேஷன்ஸ்’ நிறுவனம் சார்பில் கலைபுலி தாணு இப்படத்தை தயாரிக்கிறார். சமீபத்தில், வெளியிடப்பட்ட ஃபர்ஸ்ட் லுக் ரசிகர்களிடையே செம லைக்ஸ் குவித்து வைரலானது. தனுஷிற்கு ஜோடியாக பிரபல மலையாள நடிகை மஞ்சு வாரியார் நடிக்கும் இப்படத்திற்கு ஜீவி பிரகாஷ் குமார் இசையமைக்கவுள்ளார். ஜனவரி 26ம் தேதி இப்படத்தின் படப்பிடிப்பு துவங்கியது.
இந்நிலையில், இப்படத்தின் நடிகர் கருணாசின் மகன் கென் கருணாஸ் நடிக்கவுள்ளார் என தகவல்கள் வெளியாகியுள்ளது. கென் கருணாஸ் இதற்கு முன் நெடுஞ்சாலை, அழகு குட்டி செல்லம் போன்ற படங்களில் நடித்துள்ளார். ஏற்கனவே தனுஷுடன் கருணாஸ் தேவதையை கண்டேன், பொல்லாதவன், யாரடி நீ மோகினி போன்ற படங்களில் நடித்துள்ளார். தற்போது கருணாஸின் மகனுடன் தனுஷ் நடிக்கவுள்ளார் என்பது குறிப்பிடத்தக்கது.
For English News
