December 2, 2019 
தண்டோரா குழு
பாண்டியராஜ் இயக்கத்தில் சிவகார்த்திகேயன் நடிப்பில் வெளிவந்த படம் நம்ம வீட்டுப் பிள்ளை. குடும்பக் கதையை மையமாக வைத்து எடுக்கப்பட்டிருந்த இந்தப் படம் ரசிகர்களிடையே நல்ல வரவேற்பைப் பெற்றது.
தற்போது ஹீரோ படத்தின் ரிலீஸை எதிர்நோக்கி காத்திருக்கும் சிவகார்த்திகேயன் தன் சொந்த தயாரிப்பு நிறுவனத்தின் மூலன் கனா,நெஞ்சமுண்டு நேர்மையுண்டு ஓடு ராஜா,வாழ் படங்களை தயாரித்துள்ளார். இந்நிலையில்,கே.ஜி.ஆர் பிலிம்ஸ் நிறுவனம் அடுத்ததாக சிவகார்த்திகேயன் தயாரிப்பு நிறுவனத்துடன் இணைந்து தற்போது புதிய படம் ஒன்றை தயாரிக்கிறது.இந்தப் படத்துக்கு ‘டாக்டர்’ என்று டைட்டில் வைக்கப்பட்டுள்ளது. இதுகுறித்து அதிகாரப்பூர்வ அறிவிப்பை படக்குழு தற்போது வெளியிட்டுள்ளது.
இந்தப் படத்துக்கு அனிருத் இசையமைக்கிறார். கடைசியாக கடந்த 2016-ம் ஆண்டு வெளியான ரெமோ படத்துக்கு அனிருத் இசையமைத்திருந்த நிலையில் தற்போது மீண்டும் இந்தக் கூட்டணி இணைந்துள்ளது.
For English News
