May 3, 2017 
தண்டோரா குழு
ஹரியின் சாமி 2 படத்தில் விக்ரமிற்கு ஜோடியாக நடிக்க கீர்த்தி சுரேஷ் ஒப்பந்தம் செய்யப்பட்டுள்ளார்.
ஹரி இயக்கத்தில் கடந்த 2003-ஆம் ஆண்டு விக்ரம் நடிப்பில் வெளிவந்த படம் சாமி. இப்படம் தமிழ் சினிமாவின் பிளாக் பஸ்டர் திரைப்படங்களில் ஒன்றாக அமைந்தது. இதன் பின் இருவரும் தொடர்ந்து பிசியாக இருந்ததால் அவர்கள் கூட்டணியில் எந்த படமும் வெளிவரவில்லை.
இந்நிலையில், 14 ஆண்டுகளுக்கு பிறகு சாமி படத்தின் இரண்டாம் பாகத்தை இயக்கவுள்ளார் ஹரி. இதற்கான ஆரம்ப கட்ட வேலைகள் தற்போது துவங்கியுள்ளன. சாமி முதல் பாகத்தில் கதாநாயகியாக நடித்த திரிஷா, இரண்டாம் பாகத்திலும் நடிக்கிறார். மேலும் இரண்டாவது கதாநாயகியாக நடிக்க தற்போது கீர்த்தி சுரேஷ் ஒப்பந்தம் செய்யப்பட்டுள்ளார்.
சாமி இரண்டாம் பாகத்தில் திரிஷாவின் கதாபாத்திரம் 20 நிமிடங்கள் மட்டுமே இடம் பெறும் என கூறப்படுகிறது. இதனால்தான் கீர்த்தி சுரேஷ் இரண்டாவது கதாநாயகியாக ஒப்பந்தம் செய்யப்பட்டுள்ளதாக தெரிய வந்துள்ளது.
தற்போது தெலுங்கில் பவன் கல்யாணுக்கு ஜோடியாக நடித்து வரும் கீர்த்தி சுரேஷ், ஜூலை அல்லது ஆகஸ்ட் மாதம் சாமி-2 படப்பிடிப்பில் கலந்து கொள்வார் என கூறப்படுகிறது. சாமி 2 படத்தில் விக்ரம் இரண்டு கதாப்பாத்திரத்தில் நடிக்கவுள்ளார் என்பது குறிப்பித்தக்கது.
சர்வதேச மாற்றுத்திறனாளிகள் தினம்: சூயஸ் நிறுவனம் சார்பில் கோவை ஜெயம் சிறப்புப் பள்ளியில் சிறப்பு நிகழ்ச்சி
இந்தியக் கிரிக்கெட்டுக்கு வண்ணம் சேர்க்கும் அதிகாரப்பூர்வமான பங்காளராக பிசிசிஐ-யுடன் ஏசியன் பெயிண்ட்ஸ் இணைந்துள்ளது
கோவை சந்தையின் முக்கிய பங்களிப்புடன், அறிமுக ஆண்டிலேயே முன்பதிவுகளில் 1,000 கோடி ரூபாய் மைல்கல்லைக் கடந்தது கோத்ரெஜ் கேபிட்டலின் ஆரோஹி!
அசோசியேசன் ஆப் அலையன்ஸ் கிளப் இன்டர்நேஷனல் மாவட்டம் 250S சார்பில், மாற்றுத்திறனாளிகளுக்கு நலத்திட்ட உதவிகள்.
கோவையில் மத்திய அரசை கண்டித்து தொழிற்சங்க கூட்டமைப்பு சார்பில் கண்டன ஆர்ப்பாட்டம்
தண்ணீர் கிடைக்காமல் 7 ஆண்டுகளாக தவிக்கும் கோவை எம்.ஜி.ஆர்.நகர் மக்கள் – ஆட்சியரிடம் மனு
For English News
