October 4, 2018 
தண்டோரா குழு
பொல்லாதவன், ஆடுகளம் படத்தின் வெற்றியை தொடர்ந்து தனுஷ் -வெற்றிமாறன் கூட்டணியில் உருவாகியிருக்கும் படம் வடசென்னை.
கேங்ஸ்டர் த்ரில்லரான இதனை தனுஷ் தனது சொந்த தயாரிப்பு நிறுவனமான ‘வுண்டர்பார் ஃபிலிம்ஸ்’ மூலம் தயாரித்துள்ளார். இப்படம் மூன்று பாகங்களாக வெளியாகுமாம்.
இப்படத்தில் ஐஸ்வர்யா ராஜேஷ், ஆண்ட்ரியா, டேனியல் பாலாஜி, கிஷோர், இயக்குநர்கள் சமுத்திரக்கனி, அமீர், சுப்ரமண்யம் சிவா ஆகியோர் முக்கிய வேடங்களில் நடித்துள்ளனர்.சந்தோஷ் நாராயணன் இசையமைத்துள்ள இப்படத்திற்கு வேல்ராஜ் ஒளிப்பதிவு செய்துள்ளார்.சமீபத்தில், படத்தின் பார்ட் 1-க்கான ஃபர்ஸ்ட் லுக் டீசர் மற்றும் பாடல்கள் வெளியிடப்பட்டது. இப்படம் வரும் அக்டோபர் 17-ஆம் தேதி வெளியாகவுள்ளது.
இந்நிலையில், இப்படம் சீனாவில் நடைபெறவிருக்கும் பிங்யாவோ சர்வதேச திரைப்பட விழாவில் திரையிட தேர்வாகியுள்ளதாக தகவல் வெளியாகியுள்ளது. இவ்விழா வருகிற அக்டோபர் 11-ஆம் தேதி முதல் துவங்கி அக்டோபர் 20-ஆம் தேதி வரை நடைபெறவுள்ளதாம். அதில் 3-வது நாளில் இந்த படம் திரையிடப்படுமாம்.
For English News
