December 14, 2016 
தண்டோரா குழு
தில்லி எய்ம்ஸ் மருத்துவமனையில் தீவிர சிகிச்சை பிரிவில் இருந்து மத்திய வெளியுறவுத் துறை அமைச்சர் சுஷ்மா சுவராஜ் மாற்றப்பட்டுள்ளார். இவர் விரைவில் வீடு திரும்புவார் என மருத்துவமனை நிர்வாகம் தகவல் தெரிவித்துள்ளது.
இந்திய வெளியுறவுத்துறை அமைச்சர் சுஷ்மா சுவராஜ், சிறுநீரக கோளாறு காரணமாக நவம்பர் 7-ம் தேதி தில்லி எய்ம்ஸ் மருத்துவமனையில் அனுமதிக்கப்பட்டார். அங்கு அவருக்கு தொடர்ந்து சிகிச்சை அளிக்கப்பட்டு வந்தது.
அவருக்கு பல ஆண்டுகளாக நீரிழிவு நோய் இருப்பதால், அவரது சிறுநீரக செயல்பாடு பாதிக்கப்பட்டு ‘டயாலிசிஸ்’ செய்யப்பட்டு வந்தது. நிரந்தர நிவரானம் பெற சிறுநீரக மாற்று அறுவை சிகிச்சை செய்ய ஏற்பாடு செய்யப்பட்டது.
டிசம்பர் 10-ம் தேதி சுஷ்மா சுவராஜிற்கு சிறுநீரக மாற்று அறுவை சிகிச்சை எய்ம்ஸ் மருத்துவமனையில் செய்யப்பட்டது. அவரது உறவினர்கள் மற்றும் பொதுமக்கள் பலர் தானமாக அளிக்க முன்வந்த சிறுநீரகங்கள் பொருந்தாத நிலையில் உரிய அனுமதியுடன் வெளிநபரிடம் இருந்து தானமாக பெறப்பட்ட சிறுநீரகம் பொருத்தப்பட்டது.
இது குறித்து எய்ம்ஸ் மருத்துவமனை தரப்பில் புதன்கிழமை தெரிவிக்கப்பட்டதாவது;
மத்திய அமைச்சர் சுஷ்மா சுவராஜின் உடல்நிலை சீரடைந்து வருவதால், தீவிர சிகிச்சை பிரிவில் இருந்து மாற்றப்பட்டுள்ளார். அவரது உடல்நிலை தொடர்ந்து கண்காணிக்கப்பட்டு வருகிறது. இதனையடுத்து, விரைவில் அவர் வீடு திரும்புவார்.
இவ்வாறு மருத்துவமனை தரப்பில் தகவல் தெரிவிக்கப்பட்டுள்ளது.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
