September 13, 2021 
தண்டோரா குழு
கோவை தெற்கு தொகுதி எம்.எல்.ஏ.வாகவும், பாஜக தேசிய மகளிர் அணி தலைவராகவும் இருப்பவர் வானதி சீனிவாசன். இவரது மகன் ஆதர்ஷ்(22) சென்னையில் என்ஜினீயராக பணிபுரிந்து வருகிறார்.
இந்த நிலையில் தனது உறவினர் திருமணத்திற்காக கடந்த இரண்டு நாட்களுக்கு முன்பு ஆதர்ஷ் கோவை சென்றுள்ளார்.திருமண நிகழ்ச்சிகள் முடித்துவிட்டு நேற்று நள்ளிரவு கோயம்புத்தூரில் இருந்து சென்னைக்கு கார் மூலமாக சென்று கொண்டிருந்தாா்.அப்போது கொண்டலாம்பட்டி பகுதியில் உள்ள பட்டர்பிளை மேம்பாலத்தின் வழியாக அதிவேகமாக வந்துபோது, மேம்பாலத்தின் தடுப்பு சுவர் மீது கார் மோதியது.
தகவலறிந்த பாரதிய ஜனதா கட்சியின் சேலம் மாவட்ட நிர்வாகிகள் மற்றும் கொண்டலாம் பட்டி காவல் துறையினர் விரைந்து சென்று விபத்தில் சிக்கிய ஆதர்ஷை மீட்டு மருத்துவமனையில் அனுமதித்தனர்.ஆனால், அதிர்ஷ்டவசமாக விபத்தில் சிக்கிய ஆதர்ஷ் எந்தவித காயமும் உயிர் தப்பினார்.
அவர் தற்போது நலமாக இருப்பதாக மருத்துவர்கள் தெரிவித்துள்ளனர். இதனையடுத்து அவர் மாற்று காரில் சென்னைக்கு அனுப்பி வைக்கப்பட்டார். இந்த விபத்து குறித்து அன்னதானபட்டி காவல்துறையினர் வழக்குப் பதிவு செய்து விசாரனை மேற்கொண்டு வருகின்றனர்.
For English News
