November 17, 2018 
தண்டோரா குழு
நடிகர் சத்யாராஜ் நடிக்கவுள்ள புதிய படத்தினை இயக்குநர் தீரன் இயக்கவுள்ளார்.சஞ்சீவ் மீராசாஹிப் தயாரிக்கவுள்ள இந்தப் படத்துக்காக சத்யராஜின் பிரபலமான கட்டப்பா கதாபாத்திரத்தை வைத்து “மீண்டும் கட்டப்பா வருகிறார் “ என படக்குழுவினர் விளம்பரம் செய்து வந்தனர்.
மேலும்,இந்தப் படத்தின் டைட்டில் பவர்புல்லாக இருக்கும் என்றும்,இந்தப் படத்தில் எனர்ஜி மிகுந்த புதிய இளைஞர்கள் இடம்பெற்றிருப்பதாகவும் கூறப்பட்டது.இந்தப் படத்துக்கு யாமிருக்க பயமே,காட்டேரி உள்ளிட்ட படங்களுக்கு இசையமைத்த பிரசாத் இசையமைக்க உள்ளார்.
இந்நிலையில்,“தீர்ப்புகள் விற்கப்படும் “ என்று பெயரிடப்பட்டுள்ள இப்படத்தின் தலைப்பை மே 17 இயக்கத்தின் ஒருங்கிணைப்பாளர் இன்று வெளியிட்டுள்ளார்.சமூக போராளியாக வலம் வரும் திருமுருகன் காந்தி இந்தப் படத்தின் டைட்டிலை வெளியிட்டுள்ளது இப்படத்திற்கு பெரும் எதிர்பார்ப்பை ஏற்படுத்தியுள்ளது.
For English News
