August 11, 2016 
தண்டோரா குழு
ஈரோடு மாவட்ட பவானி சாகர் அணையில் இருந்து ஆயக்கட்டு நிலங்கள் பயனடையும் வகையில் நாளை முதல் தண்ணீர் திறந்து விடுமாறு முதலமைச்சர் ஜெயலலிதா உத்தரவிட்டுள்ளார்.
இது குறித்து முதலமைச்சர் வெளியிட்ட அறிக்கையில்,
பவானி சாகர் அணையில் இருந்து ஆயக்கட்டு நிலங்களின் முதல் போகப் பாசனத்திற்கு தண்ணீர் திறந்துவிடுமாறு வேளாண் பெருங்குடி மக்களிடம் இருந்து எனக்குக் கோரிக்கைகள் வந்துள்ளன.
இதையடுத்து, விவசாய பெருங்குடி மக்களின் வேண்டுகோளினை ஏற்று, ஈரோடு மாவட்டத்தில் உள்ள அரக்கன்கோட்டை, காளிங்கராயன் கோட்டை உள்ளிட்ட பகுதிகளில் விவசாய நிலங்கள் பாசன வசதி பெறும் வகையில் நாளை முதல் தண்ணீர் திறக்க உத்தரவிட்டுள்ளதாக தெரிவித்துள்ளார்.
இதன்மூலம், ஈரோடு மாவட்டத்தில் உள்ள காளிங்கராயன் பகுதியில் 15,743 ஏக்கர் நிலம், அரக்கன்கோட்டை பகுதியில் 24,700 ஏக்கர் நிலம் என மொத்தம் 40,247 ஏக்கர் நிலம் பாசன வசதி பெறும் என்பதை மகிழ்ச்சியுடன் தெரிவித்துக் கொள்வதாகவும் முதலமைச்சர் ஜெயலலிதா அதில் கூறியுள்ளார்
For English News
