March 9, 2018 
தண்டோரா குழு
திருச்செந்தூரில் விவசாயிகள் சங்க தலைவர் அய்யாக்கண்ணுவை பாஜக பெண் நிர்வாகி ஒரு கன்னத்தில் அறைந்ததால் பரபரப்பு ஏற்பட்டுள்ளது.
தென்னிந்திய நதிகள் இணைப்பு விவசாயிகள் சங்க தலைவர் அய்யாக்கண்ணு விவசாயிகள் கோரிக்கைகளை முன்வைத்து மத்திய, மாநில அரசுகளை வலியுறுத்தி தொடர் போராட்டங்களில் ஈடுபட்டு வருகிறார். தற்போது குமரி முதல் கோட்டை வரை நடை பயண பிரச்சாரம் மேற்கொண்டு வருகிறார்.
இந்நிலையில், திருச்செந்துர் முருகன் கோவிலில் பிரச்சாரத்தில் ஈடுபட்டு பொதுமக்களுக்கு நோட்டீஸ் கொடுத்து கொண்டு இருந்தார்.
அப்போது, அங்கு வந்த தூத்துக்குடி மாவட்ட பாஜக மகளிரணி தலைவர் நெல்லையம்மாள் நோட்டீஸ் கொடுப்பதை தடுத்தார். இதனால் அய்யாகண்ணவிற்கும் நெல்லையம்மாளுக்கும் இடையே வாக்குவாதம் ஏற்பட்டது. இதில் அய்யாகண்ணு பெண்ணை தகாத வார்த்தையால் திட்டியதாக கூறப்டுகிறது. இதனால் அந்த பெண் அய்யாகண்ணுவின் கன்னத்தில் அறைந்தார். இதையடுத்து இருத்தரப்பினர் கடும் வாக்குவாதத்தில் ஈடுபட்டதால் அங்கு பெரும் பரபரப்பு ஏற்பட்டது. பின்னர் அங்கிருந்த பெரியவர்கள் இருவரையும் சமாதானப்படுத்தினர்
For English News
