January 29, 2018 
உதயநிதி என்பது தமிழ் பெயரா என பாஜக தேசிய செயலாளர் ஹெச்.ராஜா கேள்வி எழுப்பியுள்ளார்.
திமுக தலைவர் கருணாநிதியின் பேரனும், செயல் தலைவர் ஸ்டாலின் மகனுமான உதயநிதி, திரைப்படங்களை தயாரித்து வந்தார். அதன் பின்னர் ஹீரோவாக ஒரு கல் ஒரு கண்ணாடி படம் தொடங்கி பல படங்களில் நடித்து வருகிறார்.உதயநிதி ஸ்டாலின்தனது பெயரில் நற்பணி மன்றம் தொடங்கி பிறந்த நாளின் போது பொதுமக்களுக்கு பல்வேறு உதவிகளை செய்து வருகிறார். கடந்த தேர்தலில் சென்னை கொளத்தூர் தொகுதியில் போட்டியிட்ட தனது தந்தைக்கு ஆதரவாக பிரச்சாரம் செய்தார்.
தற்போது, அரசியல் பேச தொடங்கியுள்ள உதயநிதி பாஜகவை மறைமுகமாக விமர்சித்து வருகிறார். இதுமட்டுமின்றி சினிமாவிற்கு வருவதற்கு முன்பு இருந்தே அரசியலில் ஈடுபட்டதாகவும், தற்போது தீவிர அரசியலில் ஈடுபடும் நேரம் வந்து விட்டதாகவும் கூறியுள்ளார் உதயநிதி ஸ்டாலின்.
இந்நிலையில்,பாஜக தேசிய செயலாளர் ஹெச்.ராஜா தனது டுவிட்டர் பக்கத்தில்,உதயநிதி என்பது தமிழ் பெயரா? என கேள்வி எழுப்பியுள்ளார்.
For English News
