January 17, 2018 
தண்டோரா குழு
புதிய கட்சி தொடங்க உள்ளதாக அறிவித்துள்ள நடிகர் கமல்ஹாசனுக்கு நடிகர் ரஜினிகாந்த் வாழ்த்து தெரிவித்துள்ளார்.
பிப்.,21ம் தேதி ராமநாதபுரத்தில் இருந்து அரசியல் சுற்றுப்பயணத்தை துவங்கவிருக்கும் கமல் தனது கட்சியின் பெயரை அறிவிக்கவுள்ளார். ஏற்கனவே ரஜினி அரசியல் பிரவேசம் குறித்து வெளியிட்டுள்ள நிலையில், தற்போது கமலும் தனது அரசியல் பிரவேசம் குறித்து அறிவித்துள்ளது தமிழக அரசியல் வட்டாரத்தில் பரபரப்பை ஏற்படுத்தியுள்ளது.
இந்நிலையில் இன்று செய்தியாளர்களிடம் பேசிய ரஜினிகாந்த்,
புதிய கட்சி தொடங்க உள்ளதாக அறிவித்துள்ள நடிகர் கமல்ஹாசனுக்கு என்னுடைய வாழ்த்துக்கள். 6 மாதத்தில் தேர்தல் வந்தாலும் அதை சந்திக்க தயார். தற்போது உள்ள அரசியல் கட்சிகள் எம்.ஜி.ஆரின் கொள்கைகளை சரியாக கடைபிடிக்கிறார்களா? என்ற நிருபர்களின் கேள்வி ஓரளவுக்கு பின்பற்றுகிறார்கள் என்று ரஜினி கூறினார்.
மேலும், கமலுடன் கூட்டணி வைப்பீர்களா? என்ற கேள்விக்கு அதற்கு காலம்தான் பதில் சொல்லும் என ரஜினிகாந்த் கூறியுள்ளார்.
For English News
