January 10, 2018 
தண்டோரா குழு
கோவையில் இறுதி வாக்காளர் பட்டியலை மாவட்ட ஆட்சியர் அலுவலகத்தில் ஆட்சியர் ஹரிஹரன் இன்று(ஜன 10) வெளியிட்டார்.
இந்திய தேர்தல் ஆணைய உத்தரவின் படி கோயம்புத்தூர் மாவட்டத்தில் 1.1.2018 ஆம் தேதியை தகுதி நாளாக கொண்டு வாக்காளர் பட்டியல் சிறப்பு சுருக்க திருத்தம் செய்யப்பட்டது.இந்த திருத்தப்பட்ட இறுதி வாக்காளர் பட்டியலில் 30493 புதிய வாக்காளர்களை இணைத்துள்ளதாக மாவட்ட ஆட்சியர் ஹரிஹரன் தெரிவித்துள்ளார்.
மேலும்,இந்த வாக்காளர் பட்டியல் மூலம் 30493 வாக்காளர்கள் புதிதாக சேர்க்கப்பட்டு, 62,459 வாக்காளர்கள் நீக்கப்பட்டுள்ளனர். அதன் படி கோவை மாவட்டத்தில் உள்ள 10 சட்டமன்ற தொகுதிகளில் 14,02,986 ஆண் வாக்காளர்கள்,14,26,298 பெண் வாக்காளர்கள் மற்றும் 286 இதர வாக்காளர்கள் என மொத்தம் 28,29,570 வாக்காளர்களுக்கான பட்டியல் வெளியிடப்பட்டது.இந்த
வாக்காளர்கள் பட்டியலை அரசியல் கட்சிகளை சேர்ந்த பிரதிநிதிகள் பெற்றுக்கொண்டனர்.
For English News
