January 10, 2018 
தண்டோரா குழு
சட்டபேரவையில் என் மீதான விமர்சனத்துக்கு பதில் அளிக்கவிடாமல் தடுக்கின்றனர் என டிடிவி தினகரன் குற்றம்சாட்டியுள்ளார்.
2018ம் ஆண்டிற்கான தமிழக முதல் சட்டப்பேரவை கூட்டத்தொடர் கடந்த திங்களன்று ஆளுநர் உரையுடன் தொடங்கியது. இந்நிலையில், இன்று நடைபெற்ற கூட்டத்தில் இருந்து வெளியேறி சட்டப்பேரவை வளாகத்தில் செய்தியாளர்களிடம் பேசிய டிடிவி தினகரன், தனக்கு முதலமைச்சர் பதவி இல்லை என்பதற்காக தியானம் இருந்தவர்தான் ஓ.பன்னீர்செல்வம். அதிமுக அரசை எதிர்த்து ஓட்டுபோட்ட ஓ.பி.எஸ் முன்பு இருந்ததும் தற்போது எப்படி உள்ளார் என்பதும் மக்களுக்கு தெரியும்.
முதல்வர் எடப்பாடி, ஓ.பி.எஸ். இருவரும் சிறந்த நடிகர்கள். என்னை துணைப் பொதுச்செயலாளராக பரிந்துரை செய்ததே அமைச்சர் தங்கமணி தான். சில அமைச்சர்களின் சதியால் தான் நான் கட்சியில் இருந்து ஒதுக்கி வைக்கப்பட்டேன். குறுக்கு வழியில் இரட்டை இலை சின்னம் பெற்றும், ஆர்.கே.நகரில் தோல்வியடைந்துள்ளனர் என்றார்.
மேலும், மதுசூதனன் வேட்பாளராக இருந்ததாலேயே ஆர்.கே.நகரில் அதிமுக தோல்வி அடைந்துவிட்டது. தான் பிறந்த ஊருக்கு கூட செல்ல முடியாத நிலையில் சுகாதார அமைச்சர் விஜயபாஸ்கர் உள்ளார். உள்ளாட்சி துறை, சுகாதார துறையின் அலட்சியமே டெங்கு பரவலுக்கு காரணம். டெங்கு தடுப்பு நடவடிக்கைகள் சரியாக எடுக்கவில்லை என டிடிவி குற்றம்சாட்டிய அவர் எம்.எல்.ஏக்களை தக்க வைப்பதற்காகவே ஊதிய உயர்வு அளிக்கிறது அதிமுக அரசு. ஜனவரி 12-ம் தேதி பெங்களூரு சிறையில் சசிகலாவை சந்திக்க உள்ளதாக தினகரன் தெரிவித்துள்ளார்.
கோவை அருகே உள்ள கோவைபுதுரில் புதிய திருப்பதி கோயில் கட்ட திருமலை திருப்பதி தேவஸ்தானம் ஜி ஸ்கொயர் குழுமத்திற்கு ஒப்புதல்
பிளஸ் டூ தேர்வில் வெற்றி பெற்ற மாணவர்களுக்கு கவுண்டம்பாளையம் MLA கனிமொழி சந்தோஷ் வாழ்த்து
12 வகுப்பு பொதுத்தேர்வு முடிவு – கோவை மாவட்டம் 96.66 சதவீத தேர்ச்சி !
பருத்தி இறக்குமதி வரியை முழுமையாக நீக்க வேண்டும் கோவை ஜவுளித்துறையினர் மத்திய அரசுக்கு கோரிக்கை
கோவையில் கோடை கால ‘கோ கிளாம்’ மெகா ஷாப்பிங் கண்காட்சி துவக்கம்
கோவையில் சூயஸ் நிறுவனம் சார்பில் இலவச மருத்துவ பரிசோதனை முகாம்
For English News
