January 6, 2018 
தண்டோரா குழு
கோவையில் நடிகர் கமலஹாசனின் உருவப்படத்தை எரித்து வழக்கறிஞர்கள் போராட்டத்தில் இன்று(ஜன 6)ஈடுப்பட்டனர்.
ஆர்.கே.நகர் இடைத்தேர்தல் தொடர்பாக அவதூறு கருத்துக்களை பரப்பி வருவதாக கூறி கோவையில் நடிகர் கமலஹாசனின் உருவப்படத்தை எரித்து வழக்கறிஞர்கள் போராட்டத்தில் ஈடுபட்டனர்.
நடிகர் கமல்ஹாசன் வார இதழ் ஒன்றில் தொடர் எழுதி வருகிறார்.இதில் ஆர்.கே.நகர் இடைத்தேர்தல் தொடர்பாக சில கருத்துக்களை தெரிவித்துள்ளது சர்ச்சையை ஏற்படுத்தியுள்ளது. இதையடுத்து அவரை கண்டித்து தமிழகம் முழுவதும் பல்வேறு போராட்டங்கள் நடைபெற்று வருகிறது.
இதன் ஒரு பகுதியாக கோவையில் டிடிவி தினகரன் ஆதரவு வழக்கறிஞர் பிரிவினர் கோவை நீதிமன்ற வளாகம் முன்பாக கண்டன ஆர்ப்பாட்டத்தில் ஈடுபட்டனர். அப்போது கண்டன முழக்கங்களை எழுப்பிய வழக்கறிஞர்கள் கமலின் உருவப்படத்தை தீயிட்டு எரித்தனர்.மேலும்,நடிகர் கமல் தன் நடிப்பு தொழிலை மட்டும் பார்க்க வேண்டும் எனவும் அரசியல் குறித்து அவதூறு பரப்பக் கூடாது என வலியுறித்தினர்.
For English News
