December 1, 2017 
தண்டோரா குழு
கர்நாடகாவில் தொலைக்காட்சியில் வரும் சீரியல் பார்த்து, தீயின் மீது நடனமாட முயன்ற சிறுமி பரிதாபமாக உயிரிழந்த சம்பவம் அதிர்ச்சி அளித்துள்ளது.
கர்நாடகா மாநிலத்தின் ஹரிஹரா பகுதியை சேர்ந்தவள் பிராத்தனா(7). அவள் கன்னட தொலைக்காட்சியில் ஒளிபரப்பாகும் ‘நந்தினி’ சீரியலில் நடிக்கும் ஒரு கதாபாத்திரம் தீயின் மீது நடனம் ஆடும் காட்சியை பார்த்துள்ளார்.
இந்நிலையில்,கடந்த நவம்பர் 11ம் தேதி, தன்னுடைய பெற்றோர் வீட்டில் இல்லாத சமயத்தில், புடவை அணிந்துக்கொண்டு, வீட்டிலிருந்த புத்தகங்களில் உள்ள காகிதங்களை கிழித்து தன்னை சுற்றி பரப்பி,காகிதங்கள் மேல் தீ வைத்து அந்த சீரியலில் தீயின் மீது நடனம் ஆடுவது போல் செய்துள்ளாள்.சிறிது நேரத்தில் சிறுமியின் மீது தீ பற்றி எரிந்தது.
சிறுமியின் அலறல் சத்தம் கேட்ட அருகிலிருந்தவர்கள், சிறுமியின் வீட்டிற்கு வந்து, கடுமையான தீக்காயங்களுடன் இருந்த சிறுமியை அருகிலிருந்த மருத்துவமனையில் சேர்த்தனர்.இதனையடுத்து அந்த சிறுமியின் பெற்றோர்களுக்கு தகவல் தரப்பட்டது.ஆனால் சிகிச்சைக்கு பலனின்றி அந்த சிறுமி உயிரிழந்தாள்.இந்த சம்பவம் குறித்து காவல்துறையினர் வழக்கு பதிவு செய்து விசாரணை நடத்தி வருகின்றனர்.
தற்போது, தொலைக்காட்சி தொடர்களில் பேய், மற்றும் சூனியம் தொடர்பான கன்னட டிவி தொடர்கள் அதிகரித்துள்ளன என்பது குறிப்பிடத்தக்கது.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
