July 8, 2017 
தண்டோரா குழு
எல்லையில் பதற்றம் நீடிக்கும் நிலையில் இந்தியாவுக்கு செல்லும் தங்கள் நாட்டினருக்கு சீனா பாதுகாப்பு எச்சரிக்கை விடுத்துள்ளது.
இந்தியா பூட்டான் மற்றும் சீனாவின் எல்லையாக டோலா லா விளங்குகிறது. இந்த பகுதிக்குள் அத்துமீறி சாலை அமைத்து வரும் சீனா படைகள், எல்லை தாண்டி வருவதையும் வாடிக்கையாக் கொண்டுள்ளது. இதனை இந்திய ராணுவ வீரர்கள் தடுத்து நிறுத்தினர். இதனால், இரு நாட்டு எல்லையில் பதற்றம் நிலவுகிறது.
இந்நிலையில், இந்தியாவுக்கு செல்லும் தனது நாட்டு மக்களுக்கு சீனா பாதுகாப்பு எச்சரிக்கை விடுத்துள்ளது. இந்தியாவில் உள்ள சீன தூதரகம் மூலம் இதனை தெரிவித்துள்ளது.
அதில்,இந்தியா செல்லும் சீனர்கள், பாதுகாப்பு விஷயத்தில் மிகுந்த கவனத்துடன் இருக்க வேண்டும். தேவையில்லாமல் அங்கு பயணம் மேற்கொள்ள வேண்டாம். தூதரகத்துடன் எப்போதும் தொடர்பில் இருக்க வேண்டும். வெளியில் செல்லும்போது தங்களது அடையாள அட்டைகளை வைத்துக்கொள்ளவும் எனக்கூறியுள்ளது.
For English News
