July 4, 2017 
தண்டோரா குழு
திருப்பூர் அருகே செங்கப்பள்ளியில் கன்டெய்னர் லாரியில் பறிமுதல் செய்யப்பட்ட ரூ.570 கோடி பணம் வங்கிக்கு சொந்தமானது என சென்னை உயர்நீதிமன்றத்தில் சி.பி.ஐ.அறிக்கை தாக்கல் செய்துள்ளது.
2016-ம் ஆண்டு தமிழக சட்டப்பேரவை தேர்தலின் போது திருப்பூர் மாவட்டம் செங்கப்பள்ளி அருகே 3 கன்டெய்னர்களில் ரூ.570 கோடி பணம் உரிய ஆவணங்கள் இல்லாமல் எடுத்து செல்லப்பட்டதாக கூறி தேர்தல் ஆணையத்தால் நியமிக்கப்பட்ட அதிகாரிகளால் பறிமுதல் செய்யப்பட்டது.
இந்த பணம் வாக்காளர்களுக்கு விநியோகம் செய்ய கொண்டு செல்லப்பட்டதாக எதிர்கட்சிகள் தரப்பில் புகார் கூறப்பட்டது. இதனிடையே இந்த பணம் எங்களுடையது என்று ஸ்டேட் பாங்க் ஆப் இந்தியா உரிமை கோரியது.
இதனை ஏற்க மறுத்த திமுக இது குறித்து சிபிஐ விசாரணை கோரி சென்னை உயர்நீதிமன்றத்தில் வழக்கு தொடர்ந்தது. திமுக தொடர்ந்த வழக்கை ஏற்று சி.பி.ஐ., விசாரணைக்கு நீதிமன்றம் உத்தரவிட்டது.
இந்த வழக்கின் விசாரணை இன்று நடைப்பெற்றது அப்போது சி.பி.ஐ., சார்பில் தாக்கல் செய்யப்பட்ட அறிக்கையில், “கன்டெய்னர் லாரியில் பறிமுதல் செய்யப்பட்டது வங்கிப்பணம் தான் . கோவையிலிருந்து அந்த பணம் கன்டெய்னர் லாரி மூலம் ஆந்திராவிற்கு கொண்டு செல்லப்பட்டது” எனக்கூறியுள்ளது.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
