May 20, 2017 
தண்டோரா குழு
கேரளாவில் இளம்பெண் ஒருவர் பலாத்காரம் செய்ய முயன்ற சாமியாரின் ஆணுறுப்பை கத்தியால் வெட்டிய சம்பவம் பெரும் பரபரப்பை ஏற்படுத்தியுள்ளது.
கேரளா மாநிலத்தில் உள்ள பெடாவில் சட்டம்பி சுவாமி ஆசிரமத்தைச் சேர்ந்தவர் 54 வயதான ஹரிஸ்வாமி. இவர் 23 வயது பெண் ஒருவரை பாலியல் பலாத்காரம் செய்ய முயற்சி செய்திருக்கிறார்.அப்போது அந்த பெண் தன்னை தற்காத்துக் கொள்வதற்காக கத்தியை எடுத்து அவரது ஆணுறுப்பை வெட்டியிருக்கிறார்.இதனால் படுகாயமடைந்த அந்த சாமியார் மருத்துவமனையில் சிகிச்சைகாக சேர்க்கப்பட்டுள்ளார்.
இச்சம்பவம் குறித்து சட்டம்பி ஸ்வாமி ஆசிரம நிர்வாகிகள் கூறும்போது,
ஹரிஸ்வாமி 15 வருடத்திற்கு முன் பிரம்மச்சாரியாக இங்கு இருந்தார். அதன் பிறகு சில காரணங்களால் அவர் ஆசிரமத்தை விட்டு வெளியேறி விட்டார். தற்போது அவருக்கும் இந்த ஆசிரமத்திற்கும் எந்தத் தொடர்பும் இல்லை. தனது பிரபலத்திற்காக இந்த ஆசிரமத்தின் பெயரை அவர் பயன்படுத்தியிருக்கிறார் என்று கூறினர்.
பாதிக்கப்பட்ட பெண்ணின் தந்தை நோயின் காரணமாக வேலைக்கு செல்ல முடியாத நிலையில் இருந்திருக்கிறார். அப்போது அந்தப் பெண்ணின் அம்மாதான் குடும்பக் கஷ்டம் போக வேண்டும் என்பதற்காக ஹரிஸ்வாமியை அடிக்கடி வீட்டுக்கு அழைத்து பூஜை செய்யச் சொல்லி இருக்கிறார்.
இந்த சந்தர்ப்ங்களை பயன்படுத்திய சாமியார் அந்தப் பெண்ணிடம் அத்து மீறியிருக்கிறார்.
மேலும்,அப்பெண் தான் 12ம் வகுப்பு படிக்கும் போதில் இருந்து சாமியார் தனக்கு பாலியல் துன்புறுத்தல் கொடுத்ததாக போலீசில் புகார் அளித்துள்ளார்.
இதையடுத்து, பாலியல் துன்புறுத்தலில் இருந்து குழந்தைகளைப் பாதுகாக்கும் சட்டத்தின் கீழ் சாமியார் மீது தற்போது வழக்குப் பதிவு செய்யப்பட்டுள்ளது. இதுமட்டுமின்றி குற்றம் செய்யத் தூண்டியதாக அந்தப் பெண்ணின் அம்மா மீதும் வழக்குப் பதிவு செய்ய வாய்ப்பு இருப்பதாக போலீசார் தெரிவித்தனர்.
இந்நிலையில், சாமியாருக்கு காயம் பட்ட இடத்தில் ரத்தப் போக்கை நிறுத்தவும் சிறுநீர்ப் பாதையை சரி செய்யவும் சர்ஜரி செய்யப்பட்டுள்ளதாகவும், அது மிகவும் கடினமாக இருந்ததாகவும் டாக்டர்கள் தெரிவித்தனர்.அபெண்ணிற்கு கேரள முதலமைச்சர் பினராயி விஜயன் பாராட்டு தெரவித்துள்ளார்.
விவசாயத்திற்காக 2 நிமிடங்கள் ஒதுக்குங்கள்! – சத்குரு
எந்த இடத்திலும், எவ்விதமான சூழலிலும் கலப்படத்துக்கு இடமில்லை – ஸ்ரீ கிருஷ்ணா ஸ்வீட்ஸ் நிறுவனத்தின் நிர்வாக இயக்குனர் கிருஷ்ணன்
ஹோண்டா மோட்டார் சைக்கிள் & ஸ்கூட்டர் இந்தியா தமிழ்நாட்டில் வலையமைப்பை விரிவாக்கம்; ஈரோட்டில் புதிய டீலர்ஷிப் தொடக்கம்
தூய்மை பணியாளர்கள், மாற்றுத்திறனாளிகளுக்கு திராவிட பொங்கல் பரிசு – ஆரோக்கிய ஜான் வழங்கினார்
குரோ மியூச்சுவல் ஃபண்ட் நிறுவனம் சார்பில் குரோ ஸ்மால் கேப் ஃபண்ட் அறிமுகம்
கோயம்புத்தூரின் சிறந்த மாணவர்களுக்கான அலன் கரியர் இன்ஸ்டிட்யூட் “SOPAN 2025” பாராட்டு விழாவை நடத்தியது
For English News
