May 9, 2017 
தண்டோரா குழு
ஐயர்லாந்தில் 3௦ ஆண்டுகளுக்கு முன் காணாமல் போன கடல், அங்கு வீசிய சூறாவளி காற்று மற்றும் மழை காரணமாக மீண்டும் தோன்றியது. இந்த அதிசயம் அந்நாட்டு மக்களுக்கு ஆச்சரியத்தை ஏற்படுத்தியுள்ளது.
ஐயர்லாந்து நாட்டில் ஆச்சில் தீவில் டூவாக் என்னும் சிறிய கிராமம் அமைந்துள்ளது. அங்கு 3௦௦ மீட்டர் நீளத்தில் அழகான மையோ கடல் பகுதி உள்ளது . அந்த இடம் சுற்றுலா பயணிகளுக்கு பிரபலமானது. உணவு விடுதிகள், தேநீர் விடுதிகள், சுற்றுலா பயணிகள் தங்கும் விடுதிகள் ஆகியவை கடற்கரை பகுதியில் அழகுடன் காணப்பட்டன.
எதிர்பாராதவிதமாக, 1984-ம் ஆண்டு அப்பகுதியில் ஏற்பட்ட சூறாவளி காற்று மற்றும் கடல் சீற்றத்தால் இந்த கடல் உள்வாங்கிவிட்டது. இதனால் அந்த கடல் காணமல் போய்விட்டது என்று அப்பகுதி மக்கள் கூறிவந்தனர்.
இதையடுத்து அந்த இடத்தில் வெறும் பாறைகளும் சிறு சிறு குளங்களும் மட்டுமே இருந்தன. இதனால் சுற்றுலா பயணிகளும் அந்த இடத்திற்கு வருவதை விரும்பவில்லை. டூவாக்கில் இருந்த அனைத்து விடுதிகளும் மூடப்பட்டன. இதனால், வர்த்தகர்களுக்கு பெரும் இழப்பு ஏற்பட்டது.
ஆனால், இந்த ஆண்டு ஈஸ்ட்டர் திருவிழாவின்போது, அங்கு பெரிய அளவில் சூறாவளி காற்று வீசியது. அதன் பின் சிறிது நேரத்தில், முன்பு கடல் சூழ்ந்திருந்த இடத்தில் மணல்கள் மலை போல் குவிந்தன. 1௦ நாட்களாக தொடர்ந்து பெய்த மழையால், அந்த இடம் முழுவதும் தண்ணீரால் நிரம்பியது. இதனால் காணமல் போன கடல் மீண்டும் அந்த இடத்திற்கு வந்ததை போல் அந்த இடம் உருவானது.
ஆச்சில் சுற்றுலா அதிகாரி, சியன் மொல்லாய் கூறுகையில், “கடல் மீண்டும் அந்த பகுதியை சூழ்ந்துள்ளதை கண்ட உள்ளூர் மக்கள் மகிழ்ச்சியில் உள்ளனர். இந்த கடல் கடைசியாக 1984-ம் ஆண்டு தான் பார்த்தோம். அதற்கு பிறகு தண்ணீர் இல்லாமல் வறண்ட நிலமாக இருந்தது. ஏப்ரல் மாதல் ஏற்பட்ட சூறவெளி காற்றும், 1௦ நாளாக தொடர்ந்து பெய்த கடும் மழையால், மீண்டும் கடல் உருவாகியுள்ளது” என்றார்.
“மீண்டும் உருவாகிய மழையால் சுற்றுலா பயணிகள் வருகை மீண்டும் தொடங்கியுள்ளது. முன்பிருந்த வெறும் பாறைகளில் இருந்த இடம், இப்போது தண்ணீர் சூழ்த்த கடலாக பார்ப்பதற்கு மிகவும் அழகாக இருக்கிறது” என்று உள்ளூர் விடுதி உரிமையாளர், ஆலன் கில்டி கூறினார்.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
