April 29, 2017 
தண்டோரா குழு
எல்லாவற்றிற்கும் அறிக்கை விடும் பாரதிய ஜனதாக் கட்சி, தமிழக தலைமைச் செயலாளராக இருந்த ராமமோகன ராவுக்கு மீண்டும் பதவி வழங்கப்பட்டது குறித்து எதுவும் கேட்காதது ஏன் ? என்று தி.மு.க செயல் தலைவர் மு.க. ஸ்டாலின் கேள்வி எழுப்பியுள்ளார்.
இது குறித்து அவர் வெளியிட்டுள்ள அறிக்கையில் கூறியிருப்பதாவது;
மத்திய அரசின் கட்டுப்பாட்டில் உள்ள வருமான வரித்துறை, அமலாக்கத்துறை, தில்லி போலீஸ் உள்ளிட்ட அனைத்து ஏஜென்சிகளையும் அனுப்பி தமிழக அரசு நிர்வாகத்தை நிலைகுலைய வைத்துள்ளது மத்திய அரசு.
எல்லாவற்றிற்கும் அறிக்கை விடும் பாரதிய ஜனதாக் கட்சி, தமிழக தலைமைச் செயலாளராக இருந்த ராமமோகன ராவுக்கு மீண்டும் பதவி வழங்கப்பட்டது குறித்து எதுவும் கேட்காதது ஏன்?
திராவிட உணர்வு மேலோங்கி இருக்கும் தமிழகத்தில் பாரதிய ஜனதாவை காலூன்ற வைக்க வேண்டும் என்ற அவசரத்தில் தமிழக அமைச்சர்களின் வீடுகளில் சோதனை மேற்கொண்டு, மாநில நிர்வாகத்தை தேக்க நிலைக்கு கொண்டு வந்து விட்டது மத்திய அரசு.
அதிமுகவின் ஊழல் அணிகளை இணைப்பதற்கு எடுக்கும் நடவடிக்கைகளில் ஒரு சதவிகிதம் கூட தமிழக மக்கள் பிரச்னையை தீர்க்க மத்திய அரசு முயற்சிக்கவில்லை. தனது சுயநலத்திற்காக அரசியல் சட்ட அமைப்புகளை கண்மூடித்தனமாக மத்திய அரசு பயன்படுத்துகிறது.
தமிழகத்தில் பாரதிய ஜனதாவை வளர்க்கும் முயற்சியை கைவிட்டு விட்டு, தமிழக அமைச்சர்களின் இல்லங்களில் நடத்தப்பட்ட சோதனையின் அடிப்படையில் கைப்பற்றப்பட்ட ஆதாரங்களை வைத்து தயவு தாட்சண்யமின்றி அமைச்சர்கள் மீது நடடிவக்கை எடுக்க வேண்டும்.
இவ்வாறு ஸ்டாலின் கூறியுள்ளார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
