April 5, 2017 
தண்டோரா குழு
அதிமுக கட்சியின் பிரிவு தற்காலிகமானது என்று புரட்சி தலைவி அம்மா கட்சி தலைவர் ஓ. பன்னீர் செல்வம் தெரிவித்துள்ளார்.
இதுக் குறித்து செய்தியாளர்களிடம் கூறியதாவது:
“அதிமுக கட்சியின் பிரிவு தற்காலிகமானது. ஆர்.கே நகர் தேர்தலில் முடிவு வெளியான பிறகு, பிரிந்த இரண்டு அதிமுக பிரிவினரும் ஒன்று சேருவார்கள் என்று ஓ. பன்னீர் செல்வம் தெரிவித்துள்ளார்.மேலும் சசிகலா கட்சியில் இருக்கும் 122 எம்எல்ஏகள் ஆர்.கே நகர் தேர்தலுக்கு பிறகு, தங்கள் மனசாட்சிக்கு கீழ்படிந்து நல்ல முடிவு எடுப்பார்கள்.
முன்னாள் முதல்வர் எம்.ஜி.ஆர் தொடங்கிய இந்த கட்சியை ஜெயலலிதா திறமையாக நடத்தினார். அவர்கள் இந்த கட்சியை கொண்டு மக்களுக்கு சேவை செய்ய வேண்டும் என்று பாடுப்பட்டனர். அவர்களுடைய கனவை நனவாக்க மக்களுக்கு நானும் திறமையாக சேவை செய்ய வேண்டும் என்பது தான் என் நோக்கம். பிரதமர் நரேந்திர மோடியை சந்தித்தபோது, பா.ஜ.க கட்சியுடன் கூட்டணி குறித்து எதுவும் பேசவில்லை.
இவ்வாறு அவர் கூறினார்.
For English News
