March 6, 2017 
தண்டோரா குழு
சமூக வலைத்தளமான ஃபேஸ் புக் மெசஞ்சர் அப்ளிகேஷனில் ’டிஸ்லைக்’ பட்டன் விரைவில் அறிமுகப்படுத்தப்படும் என்று அந்நிறுவனம் அறிவித்துள்ளது.
ஃபேஸ் புக் சமூக வலைதளம் உலக அளவில் அதிக மக்களால் பயன்படுத்தப்பட்டு வருகிறது. இளைஞர்கள் மட்டுமின்றி அனைத்து தரப்பினரையும் ஃபேஸ் புக் கவர்ந்துள்ளது. அந்நிறுவனமும் பயனாளர்களுக்கு ஏற்ப பல்வேறு புதிய வசதிகளை அறிமுகப்படுத்தி வருகிறது. அந்த வகையில் சமூக வலைதளங்களில் பதிவு செய்யப்படும் கருத்துகள், செய்திகள், புகைப்படங்களுக்கு நமது உணர்வுகளைத் தெரிவிக்கும் விதத்தில் ’ரியாக்ஷன்’ பட்டன்களைக் கடந்த வருடம் அறிமுகப்படுத்தியது ஃபேஸ் புக் நிறுவனம். இது இளைஞர் மத்தியில் நல்ல வரவேற்பை பெற்றுள்ளது. இந்த வசதியில் ஃபேஸ் புக் சில புதிய ‘ஸ்மைலி’களை அறிமுகப்படுத்தவுள்ளது.
அதன்படி, பல ஆண்டுகாலமாக வெறும் “லைக்” பட்டனை மட்டுமே கொண்டிருந்த ஃபேஸ் புக்கில் ’டிஸ்லைக்’ பட்டன் கூடிய விரைவில் அறிமுகப்படுத்தப்படும் என அந்நிறுவனம் தெரிவித்துள்ளது.
அதற்கான ஸ்மைலி’யை ஃபேஸ் புக் மெசஞ்சரில் அந்நிறுவனம் சோதித்து வருகிறதாம். இச்சோதனை வெற்றி பெற்றால், அடுத்த சில மாதங்களில் ஃபேஸ் புக்கிலும் ‘டிஸ்லைக்’ பட்டனை அறிமுகப்படுத்த அந்த நிறுவனம் முடிவெடுத்துள்ளதாம். கடந்த ஒரு ஆண்டில் மட்டும் 300 பில்லியன் பேர் ’ரியாக்ஷன்’ பட்டனை பயன்படுத்தியுள்ளதாக ஃபேஸ் புக் நிறுவனம் தெரிவித்துள்ளது.
எந்த இடத்திலும், எவ்விதமான சூழலிலும் கலப்படத்துக்கு இடமில்லை – ஸ்ரீ கிருஷ்ணா ஸ்வீட்ஸ் நிறுவனத்தின் நிர்வாக இயக்குனர் கிருஷ்ணன்
ஹோண்டா மோட்டார் சைக்கிள் & ஸ்கூட்டர் இந்தியா தமிழ்நாட்டில் வலையமைப்பை விரிவாக்கம்; ஈரோட்டில் புதிய டீலர்ஷிப் தொடக்கம்
தூய்மை பணியாளர்கள், மாற்றுத்திறனாளிகளுக்கு திராவிட பொங்கல் பரிசு – ஆரோக்கிய ஜான் வழங்கினார்
குரோ மியூச்சுவல் ஃபண்ட் நிறுவனம் சார்பில் குரோ ஸ்மால் கேப் ஃபண்ட் அறிமுகம்
கோயம்புத்தூரின் சிறந்த மாணவர்களுக்கான அலன் கரியர் இன்ஸ்டிட்யூட் “SOPAN 2025” பாராட்டு விழாவை நடத்தியது
லீமா ரோஸ் மார்ட்டின் தலைமையில் இந்திய ஜனநாயக கட்சி சார்பில் சமத்துவ பொங்கல் விழா
For English News
