February 23, 2017 
தண்டோரா குழு
கோவை அரசு மருத்துவமனையில் சேர்க்கப்பட்டுள்ள நோயளிகளில் 8 பேருக்கு பன்றிக்காய்ச்சல் இருப்பது உறுதி செய்யப்பட்டுள்ளன என்று கோவை அரசு மருத்துவமனை இருப்பிட மருத்துவர் செளந்திரவேல் கூறியுள்ளார்.
இது குறித்து அவர் செய்தியாளர்களிடம் வியாழக்கிழமை கூறியதாவது;
“கோவை அரசு மருத்துவமனையில் பன்றிக்காய்ச்சல் அறிகுறிகளுடன் 36 பேர் சேர்க்கப்பட்டுள்ளனர். இவர்களில் 8 பேருக்கு பன்றிக்காய்ச்சல் இருப்பது உறுதி செய்யப்பட்டுள்ளன. மீதம் உள்ள 28 பேரின் சளி மாதிரிகள் சேகரிக்கப்பட்டு ஆய்வுக்கு அனுப்பபட்டுள்ளது.
பன்றிக்காய்ச்சல் உள்ளவர்களுக்கு தனி அறையில் தொடந்து சிகிச்சை அளிக்கப்பட்டு வருகிறது. டெங்கு காய்ச்சல் காரணமாக 3 பேர் சேர்க்கப்பட்டுள்ளனர்.
டெங்கு மற்றும் பன்றிக்காய்ச்சலுக்கான அறிகுறிகள் இருந்தால் மக்கள் உடனடியாக அரசு மருத்துவர்களை அணுகி கோவை அரசு மருத்துவமனையில் சிகிச்சை பெற்றுக்கொள்ள வேண்டும்.
தனியார் மருத்துவமனையில் முறையாக சிகிச்சை பெறாமல் கடைசி நேரத்தில் அரசு மருத்துவமனைக்கு வருவதால் உயிரிழப்புகள் ஏற்படுகின்றன.கோவை அரசு மருத்துவமனையில் பன்றிக்காய்ச்சலுக்கு தேவையான அனைத்து மருந்துகளும் கையிருப்பில் உள்ளன.
பன்றிக்காய்ச்சல் பரவாமல் தடுக்க சுத்தமாக எப்போதும் கைகளை வைத்துக்கொள்ள வேண்டும், வீடுகளை சுற்றி கொசுக்கள் பெருகாத வாறு பாத்துக்கொள்ள வேண்டும்.”
இவ்வாறு செளந்திரவேல் கூறினார்.
கோவையில் கடந்த சில மாதங்களாக பன்றி காய்ய்சல் பாதிப்பானது அதிகரித்து வருகின்றன. கோவை மட்டுமின்றி திருப்பூர் ,ஈரோடு ,நீலகிரி மாவட்டங்களை சேர்ந்தவர்களும் பன்றிக்காய்ச்சலால் பாதிக்கப்பட்டு கோவை அரசு மருத்துவமனையில் சிகிச்சை பெற்று வருகின்றனர் என்பது குறிப்பிடத்தக்கது.
For English News
