February 18, 2017 
தண்டோரா குழு
சென்னை தமிழக சட்டப் பேரவையில் கலந்துகொண்டபோது நடந்த அமளியில் எதிர்க்கட்சி தலைவர் மு.க. ஸ்டாலின் சட்டை கிழிக்கப்பட்டது. சட்டப் பேரவை வளாகத்திலிருந்து தி.மு.க. உறுப்பினர்கள் 20 பேர் வலுக்கட்டாயமாக வெளியேற்றப்பட்டனர்.
சிறப்பு சட்டப் பேரவைக் கூட்டத்தொடர் சனிக்கிழமை காலை 11 மணிக்குத் தொடங்கியது முதலே ரகசிய வாக்கெடுப்பு கோரி தி.மு.க., காங்கிரஸ் உள்ளிட்ட கட்சிகளைச் சேர்ந்த உறுப்பினர்கள் கடும் அமளியில் ஈடுபட்டனர். சட்டப் பேரவைத் தலைவர் தனபாலை அவர்கள் முற்றுகையிட்டதுடன். அவரது இருக்கை மற்றும் மைக் ஆகியவற்றையும் தி.மு.க. உறுப்பினர்கள் சேதப்படுத்தினர்.
இதையடுத்து தமிழக சட்டப்பேரவை 1 மணி வரை ஒரு முறையும் 3 மணி வரை இரண்டாவது முறையும் ஒத்திவைக்கப்பட்டது. அவையை ஒத்திவைக்கும் முன்னர், அவையின் மாண்புகளை குலைக்கும் வகையில் தி.மு.க. உறுப்பினர்கள் செயல்பட்டதாகக் கூறி அவர்களை வெளியேற்றுமாறு அவைக் காவலர்களுக்கு சட்டப் பேரவைத் தலைவ ர் தனபால் உத்தரவிட்டார்.
இந்நிலையில் அவையிலிருந்து வெளியேற மறுத்த திமுகவினர் அவைக்குச் செல்லும் பாதையில் அமர்ந்து தர்ணா போராட்டத்தில் ஈடுபட்டனர். பின்னர், பேரவை வளாகத்தை விட்டு வெளியே வந்த ஸ்டாலின் பேரவையில் தான் தாக்கப்பட்டதாக நிருபர்களிடம் கூறினார். அவரது சட்டை கிழிக்கப்பட்டிருப்பதை நிருபர்கள் காணமுடிந்தது.
அதையடுத்து பேரவையில் நடைபெற்ற சம்பவங்களை ஆளுநரிடம் கூறுவதற்காக ஸ்டாலின் கிளம்பி சென்றார்.
எந்த இடத்திலும், எவ்விதமான சூழலிலும் கலப்படத்துக்கு இடமில்லை – ஸ்ரீ கிருஷ்ணா ஸ்வீட்ஸ் நிறுவனத்தின் நிர்வாக இயக்குனர் கிருஷ்ணன்
ஹோண்டா மோட்டார் சைக்கிள் & ஸ்கூட்டர் இந்தியா தமிழ்நாட்டில் வலையமைப்பை விரிவாக்கம்; ஈரோட்டில் புதிய டீலர்ஷிப் தொடக்கம்
தூய்மை பணியாளர்கள், மாற்றுத்திறனாளிகளுக்கு திராவிட பொங்கல் பரிசு – ஆரோக்கிய ஜான் வழங்கினார்
குரோ மியூச்சுவல் ஃபண்ட் நிறுவனம் சார்பில் குரோ ஸ்மால் கேப் ஃபண்ட் அறிமுகம்
கோயம்புத்தூரின் சிறந்த மாணவர்களுக்கான அலன் கரியர் இன்ஸ்டிட்யூட் “SOPAN 2025” பாராட்டு விழாவை நடத்தியது
லீமா ரோஸ் மார்ட்டின் தலைமையில் இந்திய ஜனநாயக கட்சி சார்பில் சமத்துவ பொங்கல் விழா
For English News
