February 14, 2017 
தண்டோரா குழு
தமிழகத்தின் சட்டம்ஒழுங்கு நிலை குறித்து முதலமைச்சர் ஓ. பன்னீர்செல்வம், தொலைபேசி மூலம் ஆளுநருக்கு விளக்கம் அளித்துள்ளார்.
ஜெயலலிதா மீதான சொத்து வழக்கில் சசிகலா உள்ளிட்ட மூன்று பேர் குற்றவாளிகள் என உச்ச நீதிமன்றம் தீர்ப்பளித்துள்ளது. இதைத் தொடர்ந்து கூவத்தூர் விடுதியில் உள்ள எம்.எல்.ஏ-க்களைச் சந்திக்க முதலமைச்சர் ஓ. பன்னீர் செவ்லத்தின் ஆதரவாளரான அமைச்சர்கள் குழு சென்றது.
ஆனால் அவர்கள் கோவளம் பகுதியிலேயே காவல் துறையினரால் தடுத்து நிறுத்தப்பட்டனர்.
இதையடுத்து தொடர்ந்து வரும் பதற்றமான சூழ்நிலை காரணமாக காஞ்சிபுரம் மாவட்ட ஆட்சியர் கஜலட்சுமி கூவத்தூரில் 144 தடை உத்தரவைப் பிறப்பித்தார். இதனால், கூவத்தூர் வழியாக செல்லும் பேருந்துகள் மாற்றுப் பாதையில் இயக்கப்படுகின்றன.
இதன் காரணமாக கூவத்தூர் மற்றும் அதன் சுற்றுவட்டாரப் பகுதிகளில் உள்ள கடைகள் அடைக்கப்பட்டுள்ளன. இந்நிலையில் தமிழகத்தில் சட்டம் ஒழுங்கு நிலை குறித்து ஆளுநர் வித்யாசாகர் ராவிடம் முதலமைச்சர் ஓ. பன்னீர்செல்வம் தொலைபேசியில் விளக்கம் அளித்துள்ளார்.
For English News
