November 16, 2026
தண்டோரா குழு
கோவையில் முதன்முறையாக 1,000க்கும் மேற்பட்ட பயன்படுத்தப்பட்ட கார்கள் ஒரே இடத்தில் இடம்பெறும் 3வது மெகா யூஸ்டு கார்ஸ் மாநில மாநாடு, நவம்பர் 20ம் தேதி தொடங்குகிறது.
கார்ஸ் 327 நிறுவனம் சார்பில் அவிநாசி சாலை, தொட்டிபாளையம் பிரிவில் உள்ள செல் பெட்ரோல் பங்க் எதிரே நவம்பர் 20ம் தேதி முதல் 29ம் தேதி வரை இக்கண்காட்சி நடைபெறுகிறது.
இதுகுறித்து பட்டணம் பகுதியில் செய்தியாளர்களிடம் பேசிய கார்ஸ் 327 நிறுவனத்தின் தலைவர் விஷ்ணு வேணுகோபால்,
குறைந்த விலை கார்கள் முதல் உயர்ரக கார்கள் வரை 1,000க்கும் மேற்பட்ட கார்கள் விற்பனைக்காக காட்சிப்படுத்தப்பட உள்ளதாகத் தெரிவித்தார்.மேலும், வாடிக்கையாளர்களைக் கவரும் வகையில் முதல் சர்வீஸ் இலவசம், ரூ.1,000 மதிப்பிலான ஃபாஸ்டேக் ரீசார்ஜ் உள்ளிட்ட சிறப்பு சலுகைகள் வழங்கப்படுகின்றன. வங்கிக் கடன் பெறுவதற்காக 20க்கும் மேற்பட்ட நிதித்துறை நிபுணர்கள் ஏற்பாடு செய்யப்பட்டுள்ளனர்.
கார் விற்பனையுடன் மட்டுமின்றி, இன்சூரன்ஸ், ஒர்க்ஷாப், பெயிண்டிங், கார் ஆக்சஸரீஸ் மற்றும் உதிரிபாகங்கள் உள்ளிட்ட அனைத்து சேவைகளும் ஒரே இடத்தில் கிடைக்கும் வகையில் ஏற்பாடுகள் செய்யப்பட்டுள்ளதாக அவர் கூறினார்.
காலை 9.30 மணி முதல் இரவு 8 மணி வரை நடைபெறும் இக்கண்காட்சியில், பொதுமக்கள் குடும்பத்துடன் பங்கேற்று தங்களது பட்ஜெட் மற்றும் தேவைக்கு ஏற்ற கார்களைத் தேர்வு செய்யலாம் எனத் தெரிவிக்கப்பட்டுள்ளது.