February 4, 2017 
தண்டோரா குழு
சென்னை அருகே கடலில் கலந்த கச்சா எண்ணெயை அகற்றும் பணி 90 சதவிகிதம் நிறைவடைந்துவிட்டன எனவும், ஓரிரு நாட்களில் பணிகள் முழுமையாக நிறைவடையும் எனவும் மத்திய அரசு கூறியுள்ளது.
இது குறித்து மத்திய அரசு சனிக்கிழமை வெளியிட்டுள்ள அறிக்கையில் கூறியிருப்பதாவது:
“ஜனவரி 28-ஆம் தேதி எண்ணூர் துறைமுகத்திற்கு அருகே இரு கப்பல்கள் மோதிய விபத்தில் 32,813 டன் அளவுக்கு கச்சா எண்ணெய் எடுத்துச் சென்ற டான் காஞ்சிபுரம் கப்பல் விபத்துக்குள்ளானது. இந்த விபத்தினால் டான் காஞ்சிபுரம் கப்பலிலிருந்து எண்ணெய் கசிந்து, கடலில் கலந்தது.
இதன் காரணமாக எண்ணெய்ப் படலம் உருவானது . அதனை அகற்றும் பணியில் இரண்டாயிரத்திற்கும் மேற்பட்டோர் ஈடுபடுத்தப்பட்டுள்ளனர்.
கடலில் தொடர்ந்து எண்ணெய் கசிவு எற்படுவதை தடுக்க டான் காஞ்சிபுரம் கப்பலில் இருந்த POL (Petroleum, Oil and Lubricant) எண்ணெய் முழுவதுமாக வெள்ளிக்கிழமை வெளியே அகற்றப்பட்டுவிட்டது. கடலில் கொட்டிய எண்ணெயில், இதுவரை 157 டன் அளவுக்கு எண்ணெய்க் கழிவுகள் அகற்றப்பட்டுள்ளன.
இதுவரை 90 சதவீதத்திற்கும் மேற்பட்ட பணிகள் நிறைவடைந்து விட்டன. எண்ணெய் படலங்களை முழுமையாக அகற்றும் பணி ஓரிரு நாட்களில் முடிவடையும்“
இவ்வாறு மத்திய அரசு அறிக்கையில் கூறியுள்ளது.
கோவை மாநகரில் உள்ள அனைத்து திருச்சபைகள் இணைந்து நடத்திய பல்சமய கிறிஸ்மஸ் இன்னிசை விழா
அரேபியன் வகை உணவுகளான மெல்பான் டெஸ்ஸர்ட் இனிப்பு விற்பனையகம் கோவை போத்தனூரில் துவக்கம்
கோவையின் மையப்பகுதியில் ₹750 கோடி மதிப்பில் அதிநவீன வசதிகளுடன் கூடிய உயர்தர வாழ்க்கைக்கான பிரத்தியேக மனை திட்டம் ’ஜி ஸ்கொயர் தி ரெசிடென்சி’ ஜி ஸ்கொயர் அறிமுகம்
இந்துக்கள் அனைவரும் காவி உடை அணிய வேண்டும் – கோவையில் சித்தார்த் அபிமன்யு பேட்டி
கோவையில் நடைபெற்ற “யுவா ஐஏஜ் – எண்டோ இன்சைட் 2025” மருத்துவ கருத்தரங்கு
PSG இன்ஸ்டிடியூட் ஆப் மெடிக்கல் சயின்சஸ் அண்ட் ரிசர்ச் (PSG IMSR) இல் NAPTICON என்ற தேசிய மருத்துவ மாநாடு துவக்கம்
For English News
