March 31, 2026 
தண்டோரா குழு
பி.எஸ்.ஜி. தொழில்நுட்பம் மற்றும் பயன்சார் ஆராய்ச்சி நிறுவனத்தின் கணினி அறிவியல் மற்றும் பொறியியல் துறை,கார்ப்பரேஷன் நிறுவனத்துடன் இணைந்து மார்ச் 27 மற்றும் 28,2026 அன்று PSG iTech – SanDisk ஹேக்கத்தான் நிகழ்வை நடத்தியது.
இரண்டு நாட்கள் நடைபெற்ற இந்நிகழ்வில் 87 அணிகளாக மொத்தம் 374 மாணவர்கள் ஆர்வமாக பங்கேற்றனர்.அவற்றில், இணையவழி நடைபெற்ற சுற்றுகள் மூலம் 50 அணிகள் தேர்வு செய்யப்பட்டன.தேர்வு செய்யப்பட்ட அணிகள் தங்களது முன்மாதிரிகளை (prototype) உருவாக்குவதில் தீவிரமாக ஈடுபட்டு, ₹1,50,000 மதிப்பிலான பரிசுத் தொகைக்காக போட்டியிட்டனர்.
ஹாக்கத்தான் நிகழ்ச்சி வெங்கடேஷ் துரைசாமி மற்றும் சுந்தர் பி.ஹெச் ஆகிய சான்டிஸ்க் நிறுவனத்தின் இயக்குநர்களால் தொடங்கப்பட்டது.அவர்களுடன், தொழில்நுட்ப நிபுணர்களான லோகேஷ் சாரோடே மற்றும் பன்னீர்செல்வம் பழனிச்சாமி கலந்து கொண்டு, பங்கேற்பாளர்களுடன் மதிப்புமிக்க கருத்துகளைப் பகிர்ந்து கொண்டனர்.
இந்த நிகழ்வு இரண்டு நாட்கள் நடைபெறும் அறிவுப் பரிமாற்றத்திற்கும், செயல்முறை ஒத்துழைப்பிற்கும் சிறந்த தளமாக அமைந்தது.ஹேக்கத்தானின் பிற்பகல் அமர்வில்,பன்னீர்செல்வம் பழனிச்சாமி தொழில்நுட்ப உரை வழங்கினார்.இதில், செயற்கை நுண்ணறிவில் நடைபெற்று வரும் புரட்சிகர முன்னேற்றங்கள் மற்றும் அவை நிறுவனத்தில் எவ்வாறு நடைமுறையில் பயன்படுத்தப்படுகின்றன என்பதைக் குறித்து அவர் தனது கருத்துகளை பகிர்ந்தார்.இந்த பயனுள்ள அமர்வு, மாணவர்கள் தங்களது அடுத்தடுத்த விளக்கவுரைகளுக்குத் தயாராக உதவியாக அமைந்தது.
ஹேக்கத்தானின் இறுதி நாள்,இறுதி விளக்கவுரை சுற்றுகளுடன் சிறப்பாக நடைபெற்றது. மதிப்பீடுகள் நிறைவடைந்ததைத் தொடர்ந்து, நிறைவு விழா நிகழ்ச்சி கணினி அறிவியல் மற்றும் பொறியியல் துறையின் துறைத் தலைவர் பேராசிரியர் டாக்டர் பி.கோமதி வழங்கிய வரவேற்பு உரையுடன் தொடங்கியது. தொடர்ந்து,மின்சாரம் மற்றும் கணினி பொறியியல் டீன் டாக்டர் பி.விஜயகுமார் அவர்கள் தலைமை உரையாற்றினார்.
இந்நிகழ்வில்,வெங்கடேஷ் துரைசாமி உரையாற்றி, SanDisk நிறுவனம் PSG iTech உடன் இணைந்து இந்த ஹேக்கத்தானை நடத்தியதற்கான காரணத்தையும், எதிர்கால தலைமுறை தொழில்துறையை வடிவமைக்கும் திறன் கொண்டது என்பதையும் விளக்கமாக எடுத்துரைத்தார். பின்னர், ஆவலுடன் எதிர்பார்க்கப்பட்ட முடிவுகள் அறிவிக்கப்பட்டன. SanDisk குழு சிறப்பு ஜூரி விருதை (Special Jury Award) இரண்டு அணிகளுக்கு வழங்கியது. PSG iTech-ஐச் சேர்ந்த The Learning Loop மற்றும் PSG Tech-ஐச் சேர்ந்த REARCH அணிகள் தங்களது கடின உழைப்பு மற்றும் ஆழமான ஆய்விற்காக இந்த விருதைப் பெற்றன.
அதனைத் தொடர்ந்து, முக்கியமான மூன்று பரிசுகள் அறிவிக்கப்பட்டன: PSG iTech-ஐச் சேர்ந்த VerifyX அணி இரண்டாம் இரண்டாம் இடத்தை (Second Runner-Up) பெற்று ரூ. 25,000 பரிசுத் தொகையை வென்றது. PSG iTech-ஐச் சேர்ந்த Titan Edge அணி முதல் இரண்டாம் இடத்தை (First Runner-Up) பெற்று ரூ. 50,000 பரிசுத் தொகையை பெற்றது. PSG iTech-ஐச் சேர்ந்த Code Crew அணி முதலாம் பரிசை (Winner) பெற்று ரூ. 75,000 பரிசுத் தொகையை வென்றது.
இறுதியாக, டாக்டர் மகாவிஷ்ணு அவர்கள் நன்றியுரை வழங்கி, SanDisk அணிகளுக்கு PSG iTech சார்பில் நன்றியை தெரிவித்ததுடன், எதிர்காலத்தில் மேலும் பணிமனைகள் (workshops) மற்றும் வழிகாட்டுதல்களுக்கு இணைந்து செயல்பட வேண்டும் என்ற நம்பிக்கையையும் பகிர்ந்தார். இவ்வாறு, PSG iTech–SanDisk Hackathon சிறப்பாக நிறைவடைந்து, மாணவர்கள் தங்கள் தொழில் வாழ்க்கை முழுவதும் எடுத்துச் செல்லக்கூடிய அரிய கற்றல் அனுபவத்தை வழங்கியது.
For English News
