ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

ஜமாஅத்தே இஸ்லாமி ஹிந்த் சார்பில் நடைபெற்ற நிகழ்வில் கோவையில் ‘சமூக நல்லிணக்கப் பேரவை’ உருவாக்கப்பட வேண்டும் என்ற கோரிக்கை

January 28, 2026

தண்டோரா குழு

ஜமாஅத்தே இஸ்லாமி ஹிந்த் அகில இந்திய தலைவர் Er.சையத் சஆததுல்லாஹ் ஹுசைனி கோவை வருகையையொட்டி நடத்தப்பட்ட இந்த கலந்துரையாடல், சமூக ஒற்றுமை, பரஸ்பர மரியாதை மற்றும் பொது நலனுக்கான கூட்டு செயற்பாடுகளின் அவசியத்தை வலியுறுத்தும் முக்கிய மேடையாக அமைந்தது.

இந்நிகழ்வில்,ஜமாஅத்தே இஸ்லாமி ஹிந்த் தமிழ்நாடு மாநிலத் தலைவர் மௌலவி. முஹம்மது ஹனீபா மன்பஈ,யுனிவர்சல் பீஸ் ஃபவுன்டேஷன் நிறுவனர் சிவாத்மா குருஜி, ரோமன் கத்தோலிக் சர்வ சமய பொறுப்பாளர் அருட்தந்தை தன்ராஜ், குருத்வாரா சபையின் சார்பில் டோனி சிங் ஆகியோர் கலந்து கொண்டு சிறப்புரையாற்றினர்.

மேலும்,ஜெயின் சமூகத்தின் சார்பில் அரவிந்த் சார் ஜெயின், TASK அமைப்பின் தலைவர் குருதீப் சிங் ஆனந்த், RAAC அமைப்பின் செயலாளர் ரவீந்திரன், யுனிவர்சல் ப்ரதர்ஹுட் அமைப்பின் சார்பில்
வழக்கறிஞர் நந்தகுமார் ஆகியோர் கலந்து கொண்டு வாழ்த்துரைகள் வழங்கினர்.

CSI திருப்பள்ளியைச் சேர்ந்த அருட்தந்தை கருணாகரன், திவ்யோதயா இயக்குனர் அருட்தந்தை வில்சன்,சிறுதுளி அமைப்பின் சார்பில் சின்னசாமி,ஓசை அமைப்பின் சார்பில் சையத்,பசுமைக் தாயகம் அமைப்பின் சார்பில் ராஜேந்திரன் ஆகியோரும் நிகழ்வில் கலந்து கொண்டனர்.

இதனுடன், கேசமூக செயற்பாட்டாளர்களான
சிராஜ், மேட்டுப்பாளையம் மணி,ஜவஹர் உள்ளிட்டோரும்,TELC, ரிதம் அமைப்புகளின் பிரதிநிதிகளும், பல்வேறு பள்ளி மற்றும் கல்லூரிகளின் முதல்வர்கள், தாளாளர்கள் உள்ளிட்டகல்வியாளர்களும் கலந்து கொண்டு நிகழ்வை சிறப்பித்தனர்.

இந்நிகழ்விற்கு,ஜமாஅத்தே இஸ்லாமி ஹிந்த்
கோவை பெருநகரத் தலைவர் P.S. உமர் ஃபாரூக் தலைமை வகித்தார்.நிகழ்வை ஆசிரியர் சலீம் வழிநடத்தினார்.
நிகழ்ச்சியின் ஒருங்கிணைப்பை
ஜமாஅத்தே இஸ்லாமி ஹிந்த் கோவை மக்கள் தொடர்பு செயலாளர் அப்துல் ஹக்கீம் மேற்கொண்டார்.நிகழ்வில் ஜமாஅத்தே இஸ்லாமி ஹிந்த் மாநில, மாவட்டப் பிரதிநிதிகளும் கலந்து கொண்டு சிறப்பித்தனர்.

இந்த கலந்துரையாடல், மதங்களுக்கிடையேயான உரையாடலை கருத்தரங்க மட்டத்தில் இருந்து
நடைமுறை சமூக செயற்பாடுகளுக்கு கொண்டு செல்லும் ஒரு முக்கிய தொடக்கமாக அமைந்தது.கோவையில் சமூக நல்லிணக்கப் பேரவை உருவாக்கம் குறித்த ஒற்றுமையான குரல்,எதிர்காலத்தில் அமைதி, சமூக நீதி மற்றும் பொது நலன் சார்ந்த கூட்டு முயற்சிகளுக்கான வலுவான அடித்தளத்தை உருவாக்கியதாக பங்கேற்பாளர்கள் கருத்துத் தெரிவித்தனர்.

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்