December 5, 2025 
தண்டோரா குழு
சுற்றுச்சூழல் பாதிப்பு காரணமாக காற்று மாசு அதிகரித்து வருகிறது. இதன் காரணமாக சுத்தமான காற்றை சுவாசிப்பது என்பது அரிதான ஒன்றாக மாறிவிட்டது. இந்த நிலையில் அதிக அளவிலான மக்கள் ஏர் பியூரிபையரை பயன்படுத்த துவங்கி உள்ளனர்.
இதனால் டாடாவின் குரோமா ஷோரூமில் அதன் விற்பனையானது கடந்த ஆண்டைக் காட்டிலும் 30 சதவீதம் அதிகரித்து உள்ளது. இதில் நடப்பு ஆண்டில் நான்கில் மூன்று ஏர் பியூரிபையர் டெல்லியில் விற்பனையாகி உள்ளதாக இந்நிறுவனம் தெரிவித்துள்ளது.
இந்நிறுவனம் வெளியிட்டுள்ள அறிக்கையில்,
குரோமாவில் விற்பனை செய்யப்படும் ஏர்பியூரிபையரில் 72 சதவீதம் டெல்லியில் விற்பனை செய்யப்படுகிறது. ஏனெனில் இங்கு அதிக அளவில் காற்று மாசு உள்ளது. டெல்லியைத் தொடர்ந்து மகாராஷ்டிராவில் 12 சதவீதம், கர்னாடகாவில் 4 சதவீதம் விற்பனை செய்யப்பட்டுள்ளதாக இந்நிறுவனம் கூறியுள்ளது.தூசி, மகரந்தம் மற்றும் பூஞ்சை போன்ற காற்றில் பரவும் துகள்களை அகற்றும் உயர் திறன் கொண்ட பில்டர்களையே வாடிக்கையாளர்கள் அதிகம் விரும்புகிறார்கள்.
மாசு மற்றும் துர்நாற்றங்களுக்கு எதிராக தங்களை பாதுகாத்துக் கொள்ள, பல அடுக்கு பாதுகாப்பைக் கொண்ட மேம்பட்ட மாடல்களையே பெரும்பாலான வாடிக்கையாளர்கள் விரும்பி வாங்குகின்றனர். இது குறித்து இன்பினிட்டி ரீடெய்ல் நிறுவனத்தின் செய்தித் தொடர்பாளர் கூறுகையில், ஏர்பியூரிபையர்கள் தற்போது பருவகாலத்திற்கான தயாரிப்புகளாக பார்க்கப்படுவதில்லை, அவை குறிப்பாக டெல்லி போன்ற நகரங்களில் உள்ள வாடிக்கையாளர்களுக்கு ஆண்டு முழுவதும் அவசியமான ஒன்றாக மாறிவிட்டன.
குரோமாவில், அறையின் அளவு, அவர்களின் பட்ஜெட் மற்றும் சுகாதாரத் தேவைகளின் அடிப்படையில் சரியான அதே நேரத்தில் அவர்களின் வீடுகளுக்கு ஏற்ற மேம்பட்ட தொழில்நுட்பம் மற்றும் பில்டர்களைக் கொண்ட ஏர்பியூரிபையர்கள் குறித்து ஆலோசனைகள் வழங்கப்படுகிறது என்று தெரிவித்தார்.ஏர்பியூரிபையர் நிறத்தைப் பொறுத்தவரை வெள்ளை நிறம் வாடிக்கையாளர்கள் இடையே மிகுந்த வரவேற்பை பெற்றுள்ளது. குரோமாவில் விற்பனை செய்யப்பட்ட மொத்த பியூரிபையரில் வெள்ளை நிறுவனம் 77 சதவீதம், கருப்பு 19 சதவீதம் மற்றும் மெட்டாலிக் நிறங்கள் 4 சதவீதம் விற்பனை செய்யப்பட்டுள்ளன.மேலும் விலையைப் பொறுத்தவரை ரூ.5 ஆயிரம் முதல் ரூ.15 ஆயிரம் வரையிலான விலையில் 49 சதவீதம் விற்பனை செய்யப்பட்டுள்ளது.
இதில் சூப்பர்-பிரீமியம் அடுத்த பெரிய வகையாகும், இது 36 சதவீத விற்பனை செய்யப்பட்டு உள்ளது. இது சிறந்த கவரேஜ் மற்றும் ஸ்மார்ட்டர் அம்சங்களைக் கொண்டுள்ளது. இதன் காரணமாக வாடிக்கையாளர்கள் இதை அதிக அளவில் விரும்பி வாங்குகின்றனர். மேலும் நடப்பு ஆண்டில் குரோமாவில் விற்பனை செய்யப்பட்ட மொத்த ஏர்பியூரிபையரில் பிலிப்ஸ் மற்றும் டைசன் பிராண்டுகள் 84 சதவீத பங்களிப்பைக் கொண்டுள்ளன.இங்கு ஒரே வாரத்தில் அதிக அளவிலான ஏர்பியூரிபையர் விற்பனை செய்யப்பட்டது. இது நிறுவனத்தின் வருடாந்திர
ஏர்பியூரிபையர் விற்பனையில் 27 சதவீதமாகும். மொத்த விற்பனையில் கடந்த ஆண்டுடன் ஒப்பிடுகையில் நடப்பு ஆண்டில் இதன் விற்பனை 30 சதவீதம் அதிகரித்துள்ளது. இது காற்று மாசு தொடர்பாக மக்களிடம் ஏற்பட்டுள்ள விழிப்புணர்வை காட்டுவதாக குரோமா தெரிவித்துள்ளது.சுமார் 12 சதவீத வாடிக்கையாளர்கள் தங்கள் சாதனங்களைப் பாதுகாக்க குரோமாவின் ஜிப்கேர் திட்டத்தை தேர்வு செய்துள்ளனர்.மேலும் அவர்களின் ஏர்பியூரிபையரின் நீண்டகால செயல்திறனை உறுதி செய்வதற்காக நீட்டிக்கப்பட்ட உத்தரவாதம் மற்றும் சேவை வசதியையும் பெற்றுள்ளனர் என்பது குறிப்பிடத்தக்கது.
ஜோய்ஆலுக்காஸ் “பிரில்லியன்ஸ் டையமண்ட் ஜூவல்லரி ஷோ” டிசம்பர் 5 முதல் 21 வரை நடைபெறுகிறது
ஸ்கோடா ஆட்டோ இந்தியா, இந்திய சந்தையில் 25வது ஆண்டில், 5 இலட்சத்திற்கும் மேற்பட்ட விற்பனை சாதனையை கடந்தது
காற்று மாசு காரணமாக ஏர் பியூரிபையர் பயன்படுத்துவோர் எண்ணிக்கை அதிகரிப்பு: குரோமாவில் விற்பனை 30 சதவீதம் உயர்வு
சர்வதேச மாற்றுத்திறனாளிகள் தினம்: சூயஸ் நிறுவனம் சார்பில் கோவை ஜெயம் சிறப்புப் பள்ளியில் சிறப்பு நிகழ்ச்சி
இந்தியக் கிரிக்கெட்டுக்கு வண்ணம் சேர்க்கும் அதிகாரப்பூர்வமான பங்காளராக பிசிசிஐ-யுடன் ஏசியன் பெயிண்ட்ஸ் இணைந்துள்ளது
கோவை சந்தையின் முக்கிய பங்களிப்புடன், அறிமுக ஆண்டிலேயே முன்பதிவுகளில் 1,000 கோடி ரூபாய் மைல்கல்லைக் கடந்தது கோத்ரெஜ் கேபிட்டலின் ஆரோஹி!
For English News
