December 30, 2016 
தண்டோரா குழு
பிலிப்பின்ஸ் நாட்டில் இரண்டு வெவ்வேறு குண்டு வெடிப்புச் சம்பவங்களில் 39 காயமடைந்தனர்.
இது குறித்து அந்நாட்டின் பாதுகாப்பு அதிகாரி ஒருவர் செய்தியாளர்களிடம் வியாழக்கிழமை (டிசம்பர் 29) கூறியதாவது:
பிலிப்பின்ஸ் நாட்டின் மத்திய தீவான லேய்டேவில் உள்ள ஹிலோங்கோஸ் நகரில் குத்துச் சண்டை நடைபெற்றுக்கொண்டு இருந்தது. அந்த அரங்கில் முதல் வெடிகுண்டு வெடித்தது. அதில் 33 பேர் காயமடைந்தனர்.
முதல் வெடிகுண்டு வெடித்து, சரியாக ஒரு மணிநேரத்தில் பிலிப்பின்ஸ் நாட்டின் தெற்கு பகுதியில் உள்ள மின்டானோ என்னும் தீவில் நெடுஞ்சாலையில் இரண்டாவது வெடிகுண்டு வெடித்ததில் 6 பேர் காயமடைந்தனர்.
மேலும், தெற்கு மணிலாவில் இருந்து 62௦ கிலோமீட்டர் தூரத்தில் உள்ள ஒரு நகரில் வெடிக்கப்படாத வெடிகுண்டு ஒன்று கண்டுபிடிக்கப்பட்டது.
இந்த வெடிகுண்டுச் சம்பவங்களுக்கு மதத் தீவிரவாத இயக்கம் காரணமாக இருக்கலாம் என்று சந்தேகிக்கிறோம். இது குறித்து விசாரணை மேற்கொண்டுள்ளோம்.
இவ்வாறு அவர் தெரிவித்தார்.
பிலிப்பின்ஸ் நாட்டின் அதிபர் ரோட்ரிகோ டுடேர்டேவின் சொந்த ஊரான டாவோ அமைந்துள்ள மின்டானோ மாகாணத்தில் பயங்கரவாதிகள் செப்டம்பர் மாதத்தில் நடத்திய தாக்குதலில் 15 உயிரிழந்தனர் என்பது குறிப்பிடத்தக்கது.
விவசாயத்திற்காக 2 நிமிடங்கள் ஒதுக்குங்கள்! – சத்குரு
எந்த இடத்திலும், எவ்விதமான சூழலிலும் கலப்படத்துக்கு இடமில்லை – ஸ்ரீ கிருஷ்ணா ஸ்வீட்ஸ் நிறுவனத்தின் நிர்வாக இயக்குனர் கிருஷ்ணன்
ஹோண்டா மோட்டார் சைக்கிள் & ஸ்கூட்டர் இந்தியா தமிழ்நாட்டில் வலையமைப்பை விரிவாக்கம்; ஈரோட்டில் புதிய டீலர்ஷிப் தொடக்கம்
தூய்மை பணியாளர்கள், மாற்றுத்திறனாளிகளுக்கு திராவிட பொங்கல் பரிசு – ஆரோக்கிய ஜான் வழங்கினார்
குரோ மியூச்சுவல் ஃபண்ட் நிறுவனம் சார்பில் குரோ ஸ்மால் கேப் ஃபண்ட் அறிமுகம்
கோயம்புத்தூரின் சிறந்த மாணவர்களுக்கான அலன் கரியர் இன்ஸ்டிட்யூட் “SOPAN 2025” பாராட்டு விழாவை நடத்தியது
For English News
