December 26, 2016 
தண்டோரா குழு
திமுக பொதுக்குழுக் கூட்டம் கட்சியின் தலைவர் கருணாநிதி தலைமையில் அண்ணா அறிவாலயத்தில் ஜனவரி 4-ம் தேதி நடைபெறும் என்று திமுக பொதுச் செயலாளர் க.அன்பழகன் அறிவித்துள்ளார்.
திமுக பொதுக்குழுக் கூட்டம் டிசம்பர் 20-ம் தேதி நடைபெற இருந்தது. கட்சித் தலைவர் கருணாநிதி உடல்நலக் குறைவு காரணமாக சென்னை ஆழ்வார்பேட்டையில் உள்ள காவேரி மருத்துவமனையில் டிசம்பர் 15ம் தேதி சேர்க்கப்பட்டார். இதனால் பொதுக்குழுக் கூட்டம் ஒத்திவைக்கப்பட்டது. சிகிச்சை முடிந்து கருணாநிதி டிசம்பர் 23 ம் தேதி இல்லம் திரும்பினார்.
அவர் நலமுடன் இல்லம் திரும்பியதை அடுத்து ஜனவரி 4-ம் தேதி திமுக பொதுக்குழு நடைபெறும் என அக்கட்சியின் பொதுச் செயலாளர் க. அன்பழகன் அறிவித்துள்ளார்.
இது தொடர்பாக அன்பழகன் திங்கட்கிழமை வெளியிட்டுள்ள அறிக்கையில், “திமுக தலைவர் கருணாநிதி தலைமையில் சென்னை, அண்ணா அறிவாலயத்தில் நடைபெறுவதாக அறிவிக்கப்பட்டு, ஒத்திவைக்கப்பட்ட திமுக பொதுக்குழு கூட்டம் ஜனவரி 4 ம் தேதி நடைபெறும்.
தி.மு.கழக ஆக்கப் பணிகள் மற்றும் தணிக்கைக் குழு அறிக்கை குறித்து கூட்டத்தில் விவாதிக்கப்படும். பொதுக்குழு உறுப்பினர்களுக்கு ஏற்கெனவே அனுப்பி வைக்கப்பட்ட பொதுக்குழு கூட்ட அழைப்பிதழினை இக்கூட்டத்திற்கு வரும்போது தவறாமல் உடன் கொண்டு வர வேண்டும்” என்று கேட்டுக் கொண்டுள்ளார் அன்பழகன்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
