September 25, 2018 
தண்டோரா குழு
பெண் வழக்கறிஞருக்கு வாட்ஸ் அப் மூலம் பாலியல் தொந்தரவு கொடுத்ததாக சத்தியமங்கலம் குற்றவியல் நீதிமன்ற நீதிபதி ராஜவேலு சஸ்பென்ட் செய்யப்பட்டுள்ளார்.
ஈரோடு மாவட்டம் சத்தியமங்கலத்தில் குற்றவியல் நீதிபதியாக இருப்பவர் ராஜவேலு.இவர் கடந்த 6 மாதங்களுக்கு முன்புதான் கோவையில் இருந்து சத்தியமங்கலம் நீதிமன்றத்திற்கு பணி மாறுதல் பெற்று சென்றார்.
இந்நிலையில் நீதிமன்றத்தில் பணிபுரியும் பெண் வழக்கறிஞர்கள் இரண்டு பேருக்கு பாலியல் தொந்தரவு,நீதிபதி ராஜவேல் கொடுத்து வந்ததாக கூறப்படுகிறது. இதுமட்டுமின்றி அந்த பெண் வழக்கறிஞர்களின் செல்போனில் தொடர்ந்து பேசியும் வாட்ஸ் அப் மூலமாகவும் பாலியல் ரீதியான உரையாடலை செய்து வந்துள்ளார்.
இதற்கிடையில்,அந்த பெண் வழக்கறிஞர்கள் இரண்டு பேரும் மாவட்ட தலைமை நீதிபதி்யிடம் எழுத்துப்பூர்வமான புகார் கொடுத்துள்ளார்கள்.இதனைத்தொடர்ந்து, ஈரோடு மாவட்ட தலைமை நீதிபதி உமாமகேஷ்வரி குற்றவியல் நீதிமன்ற நீதிபதி மோகன் ஆகியோர் சத்தியமங்கலத்திற்கு நேரில் சென்று புகார் கூறிய பெண் வழக்கறிஞர்களை அழைத்து விசாரித்துள்ளனர்.அப்போது,நீதிபதி ராஜவேல் பாலியல் துன்புறுத்தல் செய்தது உண்மை என ஆதாரப்பூர்வமாக தெரியவந்துள்ளது.
இதையடுத்து,இன்று காலை மீண்டும் சத்தியமங்கலம் சென்ற தலைமை நீதிபதி உமாமகேஷ்வரி நீதிபதி ராஜவேலுவுக்கு சஸ்பெண்ட் உத்தரவை வழங்கினார். பணியில் உள்ள நீதிபதி,பெண் வழக்கறிஞர்களிடம் நடத்திய பாலியல் சீண்டல்கள் நீதித்துறையில் பரபரப்பை ஏற்படுத்தியுள்ளது.
கோவை பிஎஸ்ஜி மருத்துவமனையில் “அமிழ்தினி – தாய்மை பராமரிப்பு கிளினிக்” தொடக்கம் !
முதுகு தண்டுவட முறிவு அறுவை சிகிச்சையில் விரைவில் குணமடைய நவீன முறை சிகிச்சை – மருத்துவர் தண்டபாணி தகவல்
கோவை சென்ட்ரல் தியேட்டர் வளாகத்தை ஜி ஸ்கொயர் குரூப் கையகப்படுத்தியது
BNI ரிதம் சேப்டர் 5ஆம் ஆண்டு விழா – எதிர்காலத்தில் ₹150 கோடி வணிக மதிப்பு உருவாக்க இலக்கு
தடையில்லா உலகளாவிய வங்கி பரிவர்த்தனைகளுக்கு அந்நியச் செலாவணி சேவைகள், வெளிநாட்டு நாணய பரிவர்த்தனை கணக்கு: உஜ்ஜீவன் ஸ்மால் பைனான்ஸ் வங்கி அறிமுகம்
முன்னெச்சரிக்கை, நோய் தடுப்பில் கவனம் செலுத்தும் இந்தியர்கள் மருத்துவ காப்பீடு செய்வதில் ஆர்வம் அதிகரிப்பு : கேர் ஹெல்த் இன்சூரன்ஸ் நடத்திய ஆய்வில் தகவல்
For English News
