October 5, 2016 
தண்டோரா குழு
கோவையில் ஐஎஸ்ஐஎஸ் ஆதரவாளர்களுடன் தொடர்புள்ளதா என தொடர்ந்து நான்காவது நாளாக 8 நபர்களிடம் மத்திய புலனாய்வு துறையினர் விசாரணை மேற்கொண்டு வருகின்றனர்.
கேரளாவில் கடந்த 1ம் தேதி ஐஎஸ்ஐஎஸ் தீவிரவாதிகள் 6 பேர் கைது செய்யப்பட்டனர்.அதில் சென்னையை சேர்ந்த ஸ்வாலிஹ் முகம்மது மற்றும் கோவை உக்கடம் பகுதியை சேர்ந்த அபு பஷீர் ஆகியோரும் அடங்குவர். அவர்களிடம் நடைபெற்ற விசாரணையில் கோவையை சேர்ந்த அபு பஷீரின் வீட்டில் சில முக்கிய ஆவணங்கள் இருப்பதாக தெரிய வந்தது.இதனையடுத்து கோவை உக்கடம் ஜி.எம் நகர் பகுதியிலுள்ள அவரது வீட்டில் சோதனை நடத்தி முக்கிய மின்னனு ஆவணங்களை கைப்பற்றினர்.
அப்போது அதே பகுதியை சேர்ந்த இரு நபர்களை சந்தேகத்தின் பேரில் புலானாய்வு துறையினர் விசாரணைக்காக அழைத்து சென்று விசாரணை மேற்கொண்டு வந்தனர். இந்நிலையில் மேலும் சிலருக்கு இதில் தொடர்பு இருக்கலாம் என தொடர்ந்து 4 வது நாளாக இன்று 8 நபர்களிடம் விசாரணை நடைபெற்று வருகிறது.
கோவையில் விசாரணைக்காக அழைத்துச் செல்லப்படவர்கள் மாநகர காவல்துறை ஆணையாளர் அலுவலகத்தில் வைத்து விசாரணை மேற்கொண்டு வருவது குறிப்பிடத்தக்கது. இச்சம்பவம் உக்கடம் பகுதி மட்டுமின்றி கோவை முழுவதும் பரபரப்பை ஏற்படுத்தியுள்ளது. மேலும் கோவையை சேர்ந்த ஒருவர் கைது செய்யப்பட்டுள்ள காரணத்தினால் காவல்துறையினர் கோவை மாவட்டம் முழுவதும் தீவிர ரோந்து பணியில் ஈடுபட்டு வருகின்றனர்.
தமிழ்நாட்டின் புதிய முதலமைச்சராக பொறுப்பேற்றுள்ள விஜய்க்கு சத்குரு வாழ்த்து
உஜ்ஜிவன் சிறு நிதி வங்கி லிமிடெட், மார்ச் 2026-ல் முடிவடைந்த காலாண்டிற்கான தனது நிதிச் செயல்பாடுகளை அறிவித்தது
கோவை அருகே உள்ள கோவைபுதுரில் புதிய திருப்பதி கோயில் கட்ட திருமலை திருப்பதி தேவஸ்தானம் ஜி ஸ்கொயர் குழுமத்திற்கு ஒப்புதல்
பிளஸ் டூ தேர்வில் வெற்றி பெற்ற மாணவர்களுக்கு கவுண்டம்பாளையம் MLA கனிமொழி சந்தோஷ் வாழ்த்து
12 வகுப்பு பொதுத்தேர்வு முடிவு – கோவை மாவட்டம் 96.66 சதவீத தேர்ச்சி !
பருத்தி இறக்குமதி வரியை முழுமையாக நீக்க வேண்டும் கோவை ஜவுளித்துறையினர் மத்திய அரசுக்கு கோரிக்கை
For English News
