August 1, 2018 
தண்டோரா குழு
திமுக தலைவர் கருணாநிதியின் உடல்நலம் குறித்து விசாரிப்பதற்காக நடிகர் விவேக்,இன்று காவேரி மருத்துவமனைக்கு வருகை தந்தார்.
திமுக தலைவர் கருணாநிதி உடல்நலக்குறைவு காரணமாக கடந்த சில மாதங்களாக மருத்துவகண்காணிப்பில் இருந்து வந்தார்.இதற்கிடையில்,கடந்த ஜூலை 27-ம் தேதி இரவு கருணாநிதிக்கு ரத்த அழுத்தக் குறைவு ஏற்பட்டதால் நள்ளிரவில் காவேரி மருத்துவமனையில் சிகிச்சைக்காக அனுமதிக்கப்பட்டார்.
இதையடுத்து,மாநில மற்றும் தேசிய அளவில் இருந்து அரசியல் கட்சி தலைவர்களும் பல்வேறு முக்கிய பிரபலங்களும் காவிரி மருத்துவமனைக்கு சென்று திமுக செயல் தலைவர் ஸ்டாலினிடம் கலைஞரின் உடல் நலம் குறித்து கேட்டறிந்து வருகின்றனர்.
இந்நிலையில் இன்று காலை காவேரி மருத்துவமனைக்கு வருகை தந்த நடிகர் விஜய், மு.க.ஸ்டாலினை சந்தித்து கருணாநிதியின் உடல்நலம் குறித்து கேட்டறிந்தார்.
இதனைத் தொடர்ந்து இன்று மதியளவில் நடிகர் விவேக்,கருணாநிதியின் உடல்நலம் குறித்து விசாரிப்பதற்காக காவேரி மருத்துவமனைக்கு வருகை தந்தார்.பின்னர் பேசிய நடிகர் விவேக்,திமுக தலைவர் கருணாநிதி பூரண நலம்பெற்று வீடு திரும்ப வேண்டும்,திமுக தலைவர் கருணாநிதி தமிழ் பணியை தொடர்ந்து மேற்கொள்ள வேண்டும் எனக் கூறினார்.
For English News
