September 27, 2018 
தண்டோரா குழு
கோவையில் முகதாடை அறுவை சிகிச்சை தொடர்பான விழிப்புணர்வு நடைபயணம் இன்று நடைபெற்றது.
கோவையில் முகம் மற்றும் தாடை அறுவை சிகிச்சை நிபுணர்கள் சார்பில் முகம் தாடை அறுவை சிகிச்சை குறித்த விழிப்புணர்வு நடைபயணம் நடைபெற்றது. கோவை நேரு விளையாட்டரங்கில் துவங்கிய இந்த விழிப்புணர்வு நடைபயணத்தை மேற்கு மண்டல காவல் துறை தலைவர் பாரி(IPS) கொடியசைத்து துவக்கி வைத்தார்.5கிலோ மீட்டர் தூரம் நடைபெற்ற இந்த நடைபயணத்தில் கல்லூரி மாணவ மாணவிகள்,செவிலியர்கள்,பெண்கள் முதியவர்கள் என சுமார் 300க்கும் மேற்பட்டோர் கலந்துகொண்டனர்.
இதுகுறித்து நிகழ்ச்சி ஒருங்கிணைப்பாளர் மருத்துவர் கண்ணன் கூறுகையில்,
“முகம் மற்றும் தாடை அறுவை சிகிச்சை தொடர்பான விழிப்புணர்வை ஏற்படுத்தும் விதமாக இந்த நடைபயணம் நடைபெற்று உள்ளதாகவும்,தமிழகத்தில் கடந்த 7 நாட்களாக இந்த விழிப்புணர்வு நிகழ்ச்சி நடைபெறுகிறது.இந்த அறுவை சிகிச்சை சாலை விபத்துக்கள் மற்றும் பான்மசாலா,குட்கா,புகையிலை,பீடி, சிகரெட் போன்ற போதை பொருட்களை பயன்படுத்துவதால் பாதிக்கபட்டு புற்று நோயால் அவதிபடுவர்களுக்கு இந்த அறுவை சிகிச்சை அதிகம் தேவைப்படுவதாகவும் தெரிவித்தார்
மேலும் வாகன ஓட்டிகள் கட்டாயம் தலைக்கவசம் அணிய வேண்டும்,இளைஞர்கள் புகையிலை போன்ற போதை பொருட்களை பயன்படுத்த கூடாது என்பதை மக்களுக்கு விழிப்புணர்வு ஏற்படுத்தும் விதமாகவும் இந்த நிகழ்ச்சி நடைபெறுகிறது.தற்போது நாட்டில் 4 நிமிடத்திற்கு ஒருவர் விபத்துக்களில் உயிரிழிப்பதாகவும், விரைவில் இது 3 நிமிடங்களுக்கு ஒருவர் என அதிகரிக்க வாய்ப்புள்ளது எனவே அனைவரும் தலைக்கவசம் அணிந்த வாகனபயணத்தை மேற்கொள்ள வேண்டும் என தெரிவித்தார்”.
For English News
