July 22, 2017 
தண்டோரா குழு
21ஆம் நூற்றாண்டின் சிறந்த மனிதர் அப்துல் கலாம் என கவிஞர் வைரமுத்து அவரை புகழ்ந்துள்ளார். மறைந்த முன்னாள் இந்திய குடியசுத் தலைவர் அப்துல் கலாம் பற்றிய இசை ஒன்று உருவாக்கப்பட்டுள்ளது. வைரமுத்து எழுதிய பாடலுக்கு ஜிப்ரான் இசையமைக்க வசந்த்சாய் இயக்கியுள்ளார். இந்த ஆல்பத்தை வேளாண் விஞ்ஞானி எம்.எஸ்.சுவாமி நாதன் இன்று வெளியிட்டார்.
விழாவில் கவிஞர் வைரமுத்து பேசுகையில்,
அப்துல் கலாம் குடியரசுத்தலைவர் என்பதற்காகவோ, விஞ்ஞானி என்பதற்காகவோ அவர் நினைக்கப்படவில்லை. சொல்லுக்கும், செயலுக்கும் இடைவெளி இல்லாத மனிதர் என்பதற்காகத்தான் நினைக்கப்படுகிறார். அவர் இறந்தபோது இந்தியாவில் இருக்கும் எல்லா சட்டமன்றங்களும் இரங்கல் தெரிவித்து தீர்மானங்கள் நிறைவேற்றின.
அதில் எனக்கு பிடித்தது, ’19ஆம் நூற்றாண்டின் மிகச்சிறந்த மனிதர் விவேகானந்தர், 20ஆம் நூற்றாண்டின் மிகச்சிறந்த மனிதர் காந்தி, 21ஆம் நூற்றாண்டின் சிறந்த மனிதர் அப்துல் கலாம் என்ற ஆந்திர அரசின் தீர்மானம்தான். பதவி வந்தவுடன் யார் தூங்காமல் இருக்கிறாரோ அவர் தான் தலைவர். அந்த வகையில் அப்துல் கலாம் தன்னை குடியரசு தலைவராக நினைத்துக் கொண்டதில்லை. அறிவு என்பது முயற்சியால் வருவது, ஆற்றல் என்பது பயிற்சியால் வருவது. அறிவாளி ஆவது எளிது, மனிதன் ஆவது தான் கஷ்டம் என்றார்.
மேலும், நாட்டில் தண்ணீர், உணவு பஞ்சங்களை விட நல்ல தலைவர்கள் பஞ்சம் அதிகம். இந்த பஞ்சத்தில் முளைத்த ஒரு கற்பக விருட்சம்தான் தன்னலமற்ற அப்துல் கலாமுக்கு என்னுடைய சலாம் என்றார்.
இவ்விழாவில் இயக்குனர் வசந்த் சாய், இசையமைப்பாளர் ஜிப்ரான், அப்துல் கனி மற்றும் பலர் கலந்து கொண்டனர்.
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
For English News
