January 6, 2023 
தண்டோரா குழு
தூத்துக்குடியில் அண்மையில் நடைபெற்ற தனிநபர் மற்றும் ஜோடிக்கான டாட் (TAT-Taekwondo Association Tamilnadu-Affiliated to India Taekwondo) 2-வது மாநில அளவிலான டேக்வாண் டோ போட்டியில், கோவை சம விளையாட்டு அகாடமி மாணவர்கள் 18 பதக்கங்களை வென்றனர்.
இப்போட்டியில், பல்வேறு மாவட்டங்களைச் சேர்ந்த, 800-க்கும் மேற்பட்ட அரசு மற்றும் தனியார் பள்ளி மாணவ, மாணவியர் பங்கேற்றனர்.4.5 வயது முதல் 17 வயது வரையிலான சம விளையாட்டு மாணவர்கள் பல்வேறு பிரிவுகளில் நடைபெற்ற இப்போட்டியில் பங்கேற்று கோவை மற்றும் தமிழகத்திற்கு விருதுகளை குவித்து மாநிலத்தின் சார்பில் தேசிய அளவிலான போட்டிக்கு தேர்வாகியுள்ளனர்.
மாணவர்கள் 12 தங்கம், 3 வெள்ளி மற்றும் 3 வெண்கலம் என மொத்தம் 18 பதக்கங்களை வென்றுள்ளனர். இந்த மாணவர்கள் கடந்த மாதம் பள்ளி பதாகைகளின் கீழ் ஆர்டிஎஸ் மற்றும் பிடிஎஸ் (RDS & BDS) மாவட்ட அளவிலான போட்டியில் பங்கேற்று தங்கள் பள்ளிகளுக்கு பதக்கங்களை கொண்டு வந்தனர். இந்தப் போட்டிகளில் பங்கேற்க கடந்த ஒரு வருடமாக பயிற்சி பெற்று வந்தனர்.
பயிற்சியாளர்கள் பிரதீப் குமார், மதன் குமார் ஆகியோர் இவர்களுக்கு பயிற்சி அளித்தது குறிப்பிடத்தக்கது.
For English News
