August 2, 2017 
தண்டோரா குழு
இண்டிகோ ஏர்லைன்ஸ் விமான நிறுவனம் தனது 11வது ஆண்டு நிறைவை முன்னிட்டு,அதில் பயணிக்கும் பயணிகளுக்கு சிறப்பு சலுகையை அறிவித்துள்ளது.
இண்டிகோ ஏர்லைன்ஸ் நிறுவனம் தனது 11வது ஆண்டு நிறைவை முன்னிட்டு,அதில் பயணிப்பவர்களுக்கு தொடக்க விலையாக 1,111 ரூபாயிலிருந்து பயணம் செல்லும் சிறப்பு சலுகையை அறிவித்துள்ளது.
இது தொடர்பாக இண்டிகோ ஏர்லைன்ஸ் நிறுவனம் வெளியிட்ட அறிக்கையில்,
“இந்த சிறப்பு சலுகை ஆகஸ்ட் 2ம் தேதி முதல் ஆகஸ்ட் 6 ம் தேதி வரை இருக்கும்.இந்த 5 நாட்களுக்குள் இண்டிகோ ஏர்லைன்ஸ் விமானத்தில் டிக்கெட் புக் பண்ணுபவர்கள் வரும் ஆகஸ்ட் 21ம் தேதி முதல் அடுத்த ஆண்டு மார்ச் மாதம் 24 தேதி வரை இந்த சலுகையைப் பயன்படுத்தி பயணம் செய்யலாம்.
அந்தவகையில் ஸ்ரீநகரிலிருந்து புதுதில்லி வர 1,611 ரூபாயும், புதுதில்லியிலிருந்து உதய்பூர் செல்ல 1,411 ரூபாயும், புதுதில்லியிலிருந்து மும்பை செல்ல 1,911 ரூபாயும், மும்பையிலிருந்து மஸ்கட் செல்ல 5,711 ரூபாயும் மற்றும் மும்பையிலிருந்து தோஹா செல்ல 7,011 ரூபாய் செலவில் பயணிக்க முடியும்.
முதலில் வருபவர்களுக்கு முதல் சேவை என்ற அடிப்படையில் இந்த சலுகை வழங்கப்படும் என்று அறிவித்துள்ளது.
For English News
